England Women vs West Indies Women Key Players To Watch: इंग्लंड आणि वेस्ट इंडिज सामन्यात 'या' खेळाडूंवर असणार सर्वांच्या नजरा; पराभवाच्या छायेतून संघाला बाहेर काढण्याची आहे क्षमता
2024 च्या आयसीसी महिला टी 20 विश्वचषकाचा 20 वा सामना आज म्हणजेच 15 ऑक्टोबर रोजी होणार आहे. उभय संघांमधला हा सामना दुबईतील दुबई आंतरराष्ट्रीय क्रिकेट स्टेडियमवर भारतीय वेळेनुसार संध्याकाळी 7.30 वाजता खेळवला जाईल.दोन्ही संघांमधील काही दमदार खेळाडूंविषयी जाणून घेऊयात.
England Women vs West Indies Women Key Players To Watch: 2024 च्या आयसीसी महिला टी 20 विश्वचषक (2024 ICC Women’s T20 World Cup) स्पर्धेचा 20 वा सामना आज इंग्लंड महिला राष्ट्रीय क्रिकेट संघ विरुद्ध वेस्ट इंडिज (ENGvsWI)महिला राष्ट्रीय क्रिकेट संघ यांच्यात खेळला जाईल. उभय संघांमधला हा सामना दुबईतील दुबई आंतरराष्ट्रीय क्रिकेट स्टेडियमवर भारतीय वेळेनुसार संध्याकाळी 7.30 वाजता खेळवला जाईल. इंग्लंड संघ टी 20 विश्वचषक स्पर्धेत आतापर्यंत तीन सामने खेळला आहे. ज्यामध्ये तिन्ही ठिकाणी विजयाची नोंद झाली आहे. अशा परिस्थितीत, उपांत्य फेरीतील आपले स्थान पक्के करण्यासाठी, इंग्लंड संघ वेस्ट इंडिजला पराभूत करण्याचा प्रयत्न करेल आणि टी-20 विश्वचषकात सलग चौथा विजय नोंदवायचा आहे. दुसरीकडे, वेस्ट इंडिज संघाने टी-20 विश्वचषकात आतापर्यंत 3 सामने खेळले आहेत. ज्यामध्ये 2 मध्ये विजयाची नोंद झाली आहे. तर एकात पराभवाला सामोरे जावे लागले. (हेही वाचा:IND vs NZ 2024: न्यूझीलंडचा वेगवान गोलंदाज बेन सियर्स गुडघ्याच्या दुखापतीमुळे भारत दौऱ्यातून बाहेर; अनकॅप्ड जॅकब डफीचा संघात समावेश )
या खेळाडूंवर नजर असेल
नॅट साइवर-ब्रंट: सर्वांच्या नजरा इंग्लंडची अष्टपैलू खेळाडू नैट साइवर-ब्रंटवर असतील. नॅट साइवर-ब्रंट बॉल आणि बॅट दोन्हीसह वेस्ट इंडिजविरुद्ध चांगली खेळी करू शकते. नॅट साइवर-ब्रंट ने यंदाच्या महिला टी 20 विश्वचषकामध्ये तीन सामन्यांच्या दोन डावात 50 धावा करत 2 बळी घेतले आहेत.
डॅनियल व्याट-हॉज: इंग्लंडची सलामीची फलंदाज डॅनियल व्याट-हॉजने संघासाठी आतापर्यंत सर्वाधिक धावा केल्या आहेत. डॅनियल व्याट-हॉजने 3 सामन्यात 67.50 च्या सरासरीने 135 धावा केल्या आहेत. यादरम्यान डॅनियल व्याट-हॉजनेही स्कॉटलंडविरुद्ध अर्धशतक झळकावले आहे. त्याशिवाय, 51 धावांची नाबाद खेळी केली. अशा स्थितीत तिच्यावर सर्वांच्या नजरा खिळल्या आहेत.
सोफी एक्लेस्टोन: सोफी एक्लेस्टोन ही अनुभवी गोलंदाज आहे. तिच्याकडून इंग्लंड संघाला मोठ्या अपेक्षा आहेत. मागील तीन सामन्यांत चार विकेट घेतल्या आहेत. ज्यामध्ये दक्षिण आफ्रिकेविरुद्ध 15 धावांत 2 विकेट्स आणि स्कॉटलंडविरुद्ध 13 धावांत 2 बळींचा समावेश आहे.
हेली मॅथ्यूज : वेस्ट इंडिजची कर्णधार हेली मॅथ्यूजची टी-20 विश्वचषकातील कामगिरी संमिश्र झाली आहे. जरी हेली मॅथ्यूज इंग्लंडविरुद्ध मोठी भूमिका बजावू शकते. हेली मॅथ्यूजने महिला टी20 विश्वचषक 2024 मध्ये आतापर्यंत एकूण 52 धावा आणि 2 विकेट घेतल्या आहेत.
याशिवाय, दोन्ही संघांकडे अनेक उत्कृष्ट खेळाडू आहेत जे आपल्या कामगिरीने सामन्याचा मार्ग बदलू शकतात. माया बाउचियर, शार्लोट डीन, रोझमेरी मायर, ॲलिस कॅप्सी, स्टेफनी टेलर आणि डिआंड्रा डॉटिन यांनी अभिनय केला आहे. या खेळाडूंवरही सर्वांच्या नजरा असतील.
दोन्ही संघांचे खेळाडू
इंग्लंड संघ: माया बाउचियर, डॅनिएल व्याट-हॉज, नॅट सायव्हर-ब्रंट, हेदर नाइट (कर्णधार), ॲलिस कॅप्सी, एमी जोन्स (विकेटकीपर), डॅनियल गिब्सन, शार्लोट डीन, सोफी एक्लेस्टोन, सारा ग्लेन, लिन्से स्मिथ.
वेस्ट इंडिज संघ: हेली मॅथ्यू (कर्णधार), स्टॅफनी टेलर, कियाना जोसेफ, शमाइन कॅम्पबेल (विकेटकीपर), डिआंड्रा डॉटिन, चिनेल हेन्री, आलिया ॲलेने, मँडी मंगरू, एफी फ्लेचर, अश्मिनी मुनिसार, करिश्मा रामहरक.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)