England Women vs South Africa Women, 9th Match Pitch Report: शारजाहच्या मैदानावर फलंदाज की गोलंदाज कोण गाजवणार वर्चस्व? खेळपट्टीचा अहवाल आणि हवामान परिस्थिती घ्या जाणून

England Women National Cricket Team vs South Africa Women National Cricket Team, ICC Womens T20 World Cup 2024 9th Match Scorecard: 2024च्या आयसीसी महिला टी 20 विश्वचषकाचा नववा सामना आज इंग्लंड महिला क्रिकेट संघ विरुद्ध दक्षिण आफ्रिका महिला क्रिकेट संघात (England vs South Africa) होणार आहे. उभय संघांमधील हा सामना शारजाहमधील शारजाह क्रिकेट स्टेडियमवर सायंकाळी 7.30 वाजल्यापासून खेळवला जात आहे. दक्षिण आफ्रिका संघाच्या नेतृत्वाची जबाबदारी लॉरा वोल्वार्डच्या हातात आहे. तर इंग्लंडचे नेतृत्व हेदर नाइटकडे आहे. (हेही वाचा:Team India Semi Final Qualification Scenario: पाकिस्तानवर विजय मिळवूनही टीम इंडियाचे सेमीफायनलमध्ये स्थान पक्के आहे का? संपूर्ण समीकरण जाणून घ्या )

आजच्या सामन्यातील दोन्ही प्रतिस्पर्धींनी विश्वचषकात विजयाने सुरुवात केली आहे. इंग्लंडने मागील सामन्यात बांगलादेशचा 21 धावांनी पराभव केला होता. प्रथम फलंदाजी करताना इंग्लंडने 7 गडी गमावून 118 धावा केल्या. गेल्या सामन्यात दक्षिण आफ्रिकेने वेस्ट इंडिजचा 10 विकेट्सने पराभव केला होता. प्रथम फलंदाजी करताना वेस्ट इंडिजने 6 गडी गमावून 118 धावा केल्या होत्या. दक्षिण आफ्रिकेच्या संघाने 17.5 षटकांत 10 विकेट्स शिल्लक असताना लक्ष्याचा पाठलाग केला.

हेड टू हेड रेकॉर्ड

आत्तापर्यंत इंग्लंड आणि दक्षिण आफ्रिका यांच्यात एकूण पाच टी 20 आंतरराष्ट्रीय सामने खेळले गेले आहेत. या कालावधीत इंग्लंड संघाने तीन सामने जिंकले आहेत. तर, दक्षिण आफ्रिकेने दोन सामने जिंकले आहेत. दोन्ही संघांमध्ये चुरशीची स्पर्धा पहायला मिळत आहे.

खेळपट्टीचा अहवाल

दुबई आंतरराष्ट्रीय क्रिकेट स्टेडियमची खेळपट्टी फलंदाज आणि गोलंदाज दोघांसाठी उत्तम आहे. या खेळपट्टीवर, वेगवान गोलंदाज चेंडूमध्ये सुरुवातीच्या षटकांमध्ये हलका स्विंग पाहू शकतात. तर, फलंदाजांनाही सुरुवातीला सावध राहावे लागेल, परंतु एकदा स्थिरावल्यानंतर खेळपट्टीवर मोठे फटके खेळणे सोपे होऊ शकते. संघांना पहिल्या डावात किमान 150 धावा कराव्या लागतील. दव दुसऱ्या डावात गोलंदाजांवर परिणाम करू शकते. ज्यामुळे फलंदाजी सोपी होऊ शकते. नाणेफेक जिंकणारा संघ दुबई आंतरराष्ट्रीय क्रिकेट स्टेडियमच्या खेळपट्टीवर प्रथम फलंदाजी करण्यास प्राधान्य देऊ शकतो.

हवामान स्थिती

दुबईतील सामन्यादरम्यान हवामान स्वच्छ आणि गरम असण्याची अपेक्षा आहे. तापमान 32 अंश सेल्सिअसच्या आसपास पोहोचू शकते. पावसाची शक्यता नाही.

दोन्ही संघांचे प्लेइंग इलेव्हन

इंग्लंड संघ: डॅनी व्याट, ॲलिस कॅप्सी, सोफिया डंकले, नॅट सिव्हर-ब्रंट, हेदर नाइट (कर्णधार), एमी जोन्स (विकेटकीपर), सोफी एक्लेस्टोन, डॅनियल गिब्सन, चार्ली डीन, सारा ग्लेन, लिन्से स्मिथ.

दक्षिण आफ्रिका संघ: लॉरा वोल्वार्ड (कर्णधार), ताजमिन ब्रिट्स, मारिजने कॅप, ॲनिक बॉश, सुने लुस, क्लो टायरोन, नादिन डी क्लर्क, ॲने डर्कसेन, सिनालो जाफ्ता (विकेटकीपर), अयाबोंगा खाका, नॉनकुलुलेको म्लाबा.