दिनेश कार्तिक (Photo Credit: PTI)

Dinesh Karthik set to Retire: यष्टीरक्षक फलंदाज दिनेश कार्तिक (Dinesh Karthik) आयपीएल 2024 (IPL 2024) नंतर आंतरराष्ट्रीय क्रिकेट आणि आयपीएलमधून निवृत्त होऊ शकतो. कार्तिक आयपीएलमध्ये रॉयल चॅलेंजर्स बंगळुरूकडून (RCB) शेवटचा सीझन खेळणार आहे. आरसीबीने त्याचा 2022 च्या मिनी लिलावात 5.5 कोटी रुपयांना समावेश केला होता. ईएसपीएननुसार, भारतीय यष्टीरक्षक फलंदाज जूनमध्ये 39 वर्षांचा होईल. तो शेवटच्या आयपीएल हंगामासाठी सज्ज आहे. यानंतर तो आयपीएल आणि आंतरराष्ट्रीय क्रिकेटमधून निवृत्ती घेऊ शकतो. कार्तिकने भारतासाठी शेवटचा आंतरराष्ट्रीय सामना जुलै 2022 मध्ये बांगलादेशविरुद्ध टी-20 विश्वचषकात खेळला होता.

आयपीएलच्या सर्व हंगामाता खेळला दिनेश कार्तिक

आयपीएलच्या सर्व मोसमात सहभागी झालेल्या सात खेळाडूंमध्ये कार्तिकचा समावेश होतो. कार्तिक हा त्या सात खेळाडूंपैकी एक आहे जे आतापर्यंत आयपीएलच्या सर्व हंगामात (16) भाग राहिलेला आहे. 2008 मध्ये आयपीएल सुरू झाल्यापासून, तो रोहित शर्मा, विराट कोहली, शिखर धवन, महेंद्रसिंग धोनी, वृद्धिमान साहा आणि मनीष पांडे यांच्यासोबत त्यात खेळत आहे.

आयपीएलमध्ये गमावले दोनच सामने

कार्तिकने आयपीएलच्या 16 हंगामात आतापर्यंत केवळ दोनच सामने गमावले आहेत. तो त्याच्या पहिल्या सत्रात कोलकाता नाईट रायडर्सविरुद्ध खेळला नव्हता. गेल्या वर्षी म्हणजेच 2023 मध्ये झालेल्या दुसऱ्या सामन्यात सनरायझर्स हैदराबादविरुद्धच्या साखळी सामन्यातून बाहेर पडला होता. (हे देखील वाचा: WPL 2024 Points Table: मुनी आणि लॉरा यांच्या जबरदस्त भागीदारीमुळे गुजरातला मिळाला पहिला विजय, जाणून घ्या पॉइंट टेबलची स्थिती)

2022 मध्ये होता टी-20 विश्वचषकाचा भाग

आयपीएल 2022 मध्ये कार्तिकच्या चमकदार कामगिरीनंतर त्याला टी-20 विश्वचषकासाठी संघात समाविष्ट करण्यात आले. 2022 मध्ये त्याने 16 सामन्यांमध्ये 183.33 च्या स्ट्राइक रेटने 330 धावा केल्या. मात्र, त्याचे शेवटचे वर्ष फारसे चांगले गेले नाही. आरसीबीकडून खेळताना त्याने 11 च्या सरासरीने 140 धावा केल्या.

कार्तिक आयपीएलमधील 6 संघांचा भाग राहिला आहे

कार्तिक आयपीएलच्या सहा संघांचा भाग आहे. त्याने दिल्ली डेअरडेव्हिल्समधून आयपीएलमधील कारकिर्दीची सुरुवात केली. तो किंग्ज इलेव्हन पंजाब, मुंबई इंडियन्स, गुजरात लायन्स, कोलकाता नाईट रायडर्स आणि रॉयल चॅलेंजर्स बंगळुरूकडून खेळला आहे. या काळात त्याने खेळलेल्या 240 सामन्यांमध्ये 26 च्या सरासरीने 4516 धावा केल्या. ज्यामध्ये त्याने 20 अर्धशतके केली आहेत. विकेटच्या मागे राहताना 133 खेळाडूंना पॅव्हेलियनचा रस्ता दाखवला. ज्यामध्ये 36 स्टंपिंगचाही समावेश आहे.