IPL 2025: अन् धोनीने मैदानातच दीपक चहरला बॅटने मारले, नेमका काय घडल? व्हिडिओ व्हायरल (Watch Video)
आयपीएल 2025 च्या तिसऱ्या सामन्यात चेन्नईने मुंबईचा चार विकेट्सने पराभव केला. सामन्यानंतर, एमएस धोनी आणि दीपक चहरचा एक व्हिडिओ सोशल मीडियावर व्हायरल होत आहे.
IPL 2025: आयपीएल 2025 च्या तिसऱ्या सामन्यात, पाच वेळा चॅम्पियन असलेल्या चेन्नई सुपर किंग्जने (CSK) मुंबई इंडियन्सचा चार विकेट्सने पराभव केला. या सामन्यात चेन्नईकडून अनुभवी क्रिकेटपटू एमएस धोनी (Dhoni) फलंदाजीला आला. मात्र, त्याने फक्त दोन चेंडू खेळले आणि एकही धाव घेतली नाही. सीएसकेकडून 65 धावांची दमदार खेळी करणाऱ्या रचिन रवींद्रने शेवटचे षटक टाकण्यासाठी आलेल्या मिशेल सँटनरच्या पहिल्याच चेंडूवर षटकार मारून संघाला विजय मिळवून दिला.
संघाच्या विजयाने धोनी खूप आनंदी दिसत होता. यानंतर धोनीने मुंबईच्या सर्व खेळाडूंशी हस्तांदोलन केले. यादरम्यान, मुंबईचा स्टार वेगवान गोलंदाज दीपक चहर आणि धोनीमध्ये काहीतरी संवाद झाला आणि विनोदाने धोनीने त्याला बॅटने मारले. दोघांचा हा व्हिडिओ सोशल मीडियावर व्हायरल होत आहे. धोनी आणि दीपक चहर यांचे एकमेकांशी खूप चांगले नाते आहे. दोघांनाही यापूर्वी अनेकदा एकमेकांसोबत हास्यविनोद करताना पाहिले आहे.
दीपकची उत्तम कामगिरी
सीएसकेच्या जर्सीमध्ये मुंबईसाठी 76 सामने खेळणाऱ्या चहरने बॅट आणि बॉल दोन्हीमध्ये शानदार कामगिरी केली. त्याने प्रथम फलंदाजी केली. 15 चेंडूत 28 धावा करत मुंबईची धावसंख्या 150 च्या पुढे नेली. त्यानंतर त्याने पहिल्याच षटकात संघाला विकेट मिळवून दिली.