Netherlands Beat West Indies: विश्वचषक पात्रता फेरीत मोठा अपसेट, सुपर ओव्हरमध्ये नेदरलँड्सकडून वेस्ट इंडिजचा लाजीरवाणा पराभव, इंडिजचा पुढचा मार्ग खडतर
विश्वचषकात (ODI World Cup 2023) वेस्ट इंडिजचा मार्ग आता अत्यंत खडतर झाला आहे. संघ पुढच्या फेरीत म्हणजेच सुपर सिक्समध्ये पोहोचला आहे, पण त्याचे शून्य गुण आहेत. झिम्बाब्वे चार गुणांसह तर नेदरलँड्सने दोन गुणांसह सुपर सिक्समध्ये प्रवेश केला आहे.
नेदरलँड्सने दोन वेळा विश्वविजेत्या (1975, 1979) वेस्ट इंडिजचा सुपर ओव्हरमध्ये पराभव (Netherlands Beat West Indies) करून खळबळ उडवून दिली. या पराभवामुळे विश्वचषकात (ODI World Cup 2023) वेस्ट इंडिजचा मार्ग आता अत्यंत खडतर झाला आहे. संघ पुढच्या फेरीत म्हणजेच सुपर सिक्समध्ये पोहोचला आहे, पण त्याचे शून्य गुण आहेत. झिम्बाब्वे चार गुणांसह तर नेदरलँड्सने दोन गुणांसह सुपर सिक्समध्ये प्रवेश केला आहे. चार संघ सुपर सिक्समधून बाहेर पडतील, तर दोन संघ भारतात होणाऱ्या विश्वचषकाच्या मुख्य स्पर्धेसाठी पात्र ठरतील. प्रथम फलंदाजी करताना वेस्ट इंडिजने 50 षटकांत 6 बाद 374 धावा केल्या.
तेजा निदामनुरुने ठोकल्या 111 धावा
लक्ष्याचा पाठलाग करताना नेदरलँड संघासाठी पाचव्या क्रमांकावर आलेल्या तेजा निदामनुरूने 111 धावा ठोकल्या, पण 50 व्या षटकाच्या शेवटच्या चेंडूवर संघाची नववी विकेट पडली. त्यामुळे दोन्ही संघांची धावसंख्या बरोबरी झाली. यानंतर सुपर ओव्हर खेळवण्यात आली. (हे देखील वाचा: ICC ODI World Cup 2023 Schedule: आयसीसी विश्वचषक 2023 चे वेळापत्रक आज होणार जाहीर, जाणून घ्या काय आहेत शक्यता)
लोगान व्हॅन बीकने बॅटने केला कहर
सुपर ओव्हरमध्ये नेदरलँड्ससाठी प्रथम फलंदाजी करताना सलामीवीर लोगान व्हॅन बीकने 6 चेंडूत 30 धावा केल्या. त्याने पहिल्यावर चौकार, दुसऱ्यावर षटकार, तिसऱ्यावर चौकार, चौथ्याला षटकार, पाचव्याला षटकार आणि सहाव्याला चौकार मारला. व्हॅन बीकने तीन चौकार आणि तीन षटकार मारले आणि 500 च्या स्ट्राइक रेटने 30 धावा केल्या. यानंतर 31 धावांच्या लक्ष्याचा पाठलाग करण्यासाठी उतरलेल्या वेस्ट इंडिज संघाविरुद्ध लोगान व्हॅन बीकनेही शानदार गोलंदाजी केली. पहिल्या चेंडूवर जॉन्सन चार्ल्सने षटकार ठोकल्यानंतर बेकने पुढच्या दोन चेंडूत फक्त 2 धावा दिल्या. चौथ्या आणि पाचव्या चेंडूवर त्याने जॉन्सन चार्ल्स आणि रोमॅरियो शेफर्डचे विकेट घेत आपल्या संघाला 22 धावांनी दणदणीत विजय मिळवून दिला.
व्हॅन बीकने रचसा इतिहास
क्रिकेटच्या इतिहासातील सुपर ओव्हरमध्ये संघाने किंवा फलंदाजाने केलेल्या ३० धावा व्हॅन बीकच्या सर्वाधिक धावा होत्या. याआधी सुपर ओव्हरमध्ये सर्वाधिक धावा करण्याचा विक्रम ख्रिस गेलच्या नावावर होता. त्याने 2008 मध्ये न्यूझीलंडविरुद्ध सुपर ओव्हरमध्ये 25 धावा केल्या होत्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)