Ben Stokes Injury Update: तुटलेल्या बोटावरील दुसऱ्या ऑपरेशननंतर इंग्लंडचा अष्टपैलू खेळाडूच्या फिटनेसवर समोर आली मोठी माहिती

Ben Stokes Injury Update: इंग्लंडचा (England) अष्टपैलू क्रिकेटपटू बेन स्टोक्स (Ben Stokes) आपल्या बोटाच्या दुखापतीतून सावरण्याच्या दिशेने प्रगती करत असल्याचे संकेत देत, सोशल मीडियावर एक फोटो पोस्ट केला. एप्रिलमध्ये इंडियन प्रीमियर लीगमध्ये (Indian Premier League) आपला पहिला सामना खेळताना 30 वर्षीय स्टोक्सच्या डाव्या हाताच्या तर्जनीला दुखापत  (Index Finger) झाली होती. यानंतर त्याने स्पर्धेतून माघारी घेतली आणि युएई येथे दुसऱ्या आवृत्तीतही त्याने खेळण्यास मनाई केली होती. या दरम्यान त्याच्या बोटावर दोनदा शस्त्रक्रिया करण्यात आली होती. स्टोक्सने एक आपल्या इंस्टाग्राम अकाउंटच्या स्टोरीवर एक पोहोतो पोस्ट केले ज्यामध्ये त्याने त्याच्या पट्टीच्या बोटाने बॅट धरलेली होती आणि लिहिले, “12 एप्रिल तुटलेले बोट. 11 ऑक्टोबरला पहिल्यांदा तुटल्यानंतर मी बॅट फिरवण्यास सक्षम झालो.” पहिल्या शस्त्रक्रियेनंतर त्याने जुलैमध्ये कमबॅक केले होते. आणि खेळत इंजेक्शन्सची आवश्यकता असूनही पाकिस्तानवर 3-0 एकदिवसीय आंतरराष्ट्रीय मालिका जिंकण्यात इंग्लंड संघाचे नेतृत्व केले. (Ashes 2021-22: ऑस्ट्रेलियाला पराभूत करण्यासाठी इंग्लंड भारताच्या गेम प्लॅनमधून घेणार धडा, इंग्लंड प्रशिक्षकाने दिला कांगारू संघाला इशारा)

त्यानंतर ऑगस्टमध्ये सुरू झालेल्या भारताविरुद्ध घरच्या कसोटी मालिकेतून बाहेर पडल्यानंतर स्टोक्सने त्याच्या मानसिक आरोग्यावर लक्ष केंद्रित करण्यासाठी क्रिकेटमधून अनिश्चित काळासाठी विश्रांती घेण्याचा निर्णय घेतला. यामुळे, संयुक्त अरब अमिराती आणि ओमानमध्ये होणाऱ्या टी-20 विश्वचषक स्पर्धेसाठी इंग्लंड संघातून स्टोक्सला वगळण्यात आले आहे आणि आता त्याच्या दुसऱ्या अ‍ॅशेस मालिकेला मुकणार आहे. यापूर्वी ब्रिस्टल नाईटक्लबमध्ये घडलेल्या घटनेनंतर 2017-18 च्या दौऱ्यातून देखील त्याला वगळण्यात आले होते. ऑस्ट्रेलियाविरुद्ध पाच कसोटी सामन्यांच्या मालिकेतील पहिला सामना 8 डिसेंबरपासून सुरू होणार आहे. ऑस्ट्रेलियाच्या अ‍ॅशेस दौऱ्यासाठी इंग्लंडने त्यांच्या मजबूत उपलब्ध संघाची निवड केली आहे. अष्टपैलू बेन स्टोक्स,जोफ्रा आर्चर आणि सॅम कुरन दुखापतीमुळे बाहेर पडले आहेत. पण भारताविरुद्ध कसोटी मालिकेत दुखापत झालेल्या वेगवान गोलंदाज स्टुअर्ट ब्रॉडचा समावेश करण्यात आला आहे.

स्टोक्स अनुपलब्ध असल्याने त्याच्या मानसिक आरोग्यावर लक्ष केंद्रित करण्यासाठी क्रिकेटपासून अनिश्चित काळासाठी ब्रेक सुरू ठेवला होता, तर तुटलेल्या बोटाच्या दुसर्‍या ऑपरेशनमधूनही तो बरा होत आहे. त्याच्या खालच्या पाठीत स्ट्रेस फ्रॅक्चरमुळे कुरनला वगळण्यात आले. 17 सदस्यीय संघात कोणतेही अनकॅप्ड खेळाडू नाही आहेत. इंग्लंडच्या खेळाडूंनी “बबल थकवा” आणि ऑस्ट्रेलियाचे कठोर कोविड-19 प्रोटोकॉलमुळे त्यांचे कुटुंब त्यांच्यासोबत प्रवास करू शकणार नाहीत म्हणून इंग्लंडच्या खेळाडूंनी या दौऱ्याबद्दल चिंता व्यक्त केल्यानंतर ही मालिका संशयास्पद होती, परंतु इंग्लंड आणि वेल्स क्रिकेट बोर्ड (ईसीबी) ) शुक्रवारी पुढे जाण्यास सशर्त मान्यता दिली.