Bangladesh vs South Africa, 2nd Test Day 2 Full Highlights: दुसऱ्या दिवसअखेर दक्षिण अफ्रिकेकडे 537 धावांची आघाडी, बांग्लादेश 4 बाद 38 धावा; दुसऱ्या दिवसाच्या खेळाचे व्हिडिओ हायलाईट्स पहा इथे
वेगवान गोलंदाज कागिसो रबाडाने दक्षिण आफ्रिकेच्या संघाला पहिले मोठे यश मिळवून दिले. दक्षिण आफ्रिकेकडून कागिसो रबाडाने सर्वाधिक दोन बळी घेतले. कागिसो रबाडाशिवाय डॅन पॅटरसन आणि केशव महाराज यांना प्रत्येकी एक विकेट मिळाली.
Bangladesh National Cricket Team vs South Africa National Cricket Team 2nd Test Match Day 2 Stumps Scorecard: बांगलादेश राष्ट्रीय क्रिकेट संघ आणि दक्षिण आफ्रिका राष्ट्रीय क्रिकेट संघ यांच्यातील दोन सामन्यांच्या कसोटी मालिकेतील (Test Series) दुसरा कसोटी सामना 29 ऑक्टोबरपासून खेळवला जात आहे. दोन्ही संघांमधील हा सामना चट्टोग्रामच्या (Chattogram) झहूर अहमद चौधरी स्टेडियमवर (Zahur Ahmed Chowdhury Stadium) खेळला जात आहे. पहिल्या कसोटीत दक्षिण आफ्रिकेने बांगलादेशचा ७ गडी राखून पराभव केला. यासह पाहुण्या संघाने मालिकेत 1-0 अशी आघाडी घेतली. दुसऱ्या कसोटीत नजमुल हुसेन शांतो (Najmul Hossain Shanto) बांगलादेशचे नेतृत्व करत आहे. तर दक्षिण आफ्रिकेची कमान एडन मार्करामच्या (Aiden Markram) खांद्यावर आहे. (हेही वाचा - BAN vs SA 2nd Test 2024 Day 2 Live Streaming: बांगलादेशी गोलंदाज पुनरागमन करतील की दक्षिण आफ्रिकेचे फलंदाज करणार कहर? दुसऱ्या दिवसाच्या खेळाचे थेट प्रक्षेपण कधी अन् कुठे पाहणार घ्या जाणून )
दुसऱ्या दिवसाचा खेळ संपला. दुसऱ्या दिवसाचा खेळ संपेपर्यंत बांगलादेश संघाने नऊ षटकांत चार गडी गमावून 38 धावा केल्या होत्या. बांगलादेशचा संघ पहिल्या डावात अजूनही 537 धावांनी मागे आहे. पहिल्या डावात फलंदाजीला आलेल्या बांगलादेश संघाची सुरुवात निराशाजनक झाली आणि अवघ्या 32 धावा करून संघाचे चार फलंदाज पॅव्हेलियनमध्ये परतले. बांगलादेशकडून महमुदुल हसन जॉयने सर्वाधिक 10 धावा केल्या. मोमिनुल हक सहा नाबाद धावांसह खेळत असून कर्णधार नझमुल हुसेन शांतो चार नाबाद धावांसह खेळत आहे.
वेगवान गोलंदाज कागिसो रबाडाने दक्षिण आफ्रिकेच्या संघाला पहिले मोठे यश मिळवून दिले. दक्षिण आफ्रिकेकडून कागिसो रबाडाने सर्वाधिक दोन बळी घेतले. कागिसो रबाडाशिवाय डॅन पॅटरसन आणि केशव महाराज यांना प्रत्येकी एक विकेट मिळाली.
तत्पूर्वी, दुसऱ्या कसोटीच्या पहिल्या दिवशी दक्षिण आफ्रिकेचा कर्णधार एडन मार्करामने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकल्यानंतर पहिल्या डावात फलंदाजीला आलेल्या दक्षिण आफ्रिकेच्या संघाची सुरुवात चांगली झाली आणि दोन्ही सलामीवीरांनी पहिल्या विकेटसाठी ६९ धावांची भागीदारी केली. पहिल्या डावात दक्षिण आफ्रिकेच्या संघाने 144.2 षटकात 6 गडी गमावून 575 धावा केल्या आणि डाव घोषित केला. दक्षिण आफ्रिकेसाठी तीन फलंदाजांनी शानदार शतकी खेळी खेळली. टोनी डी झॉर्झीने सर्वाधिक 177 धावा केल्या. टोनी डी झॉर्झी व्यतिरिक्त ट्रिस्टन स्टब्सने 106 धावांची खेळी आणि वियान मुल्डरने 105 नाबाद धावांची खेळी खेळली.
या तिघांव्यतिरिक्त डेव्हिड बेडिंगहॅमने 59 आणि सेनुरान मुथुसामीने नाबाद 68 धावा केल्या. तैजुल इस्लामने बांगलादेश संघाला पहिले मोठे यश मिळवून दिले. बांगलादेशकडून वेगवान गोलंदाज तैजुल इस्लामने सर्वाधिक 5 बळी घेतले. तैजुल इस्लामशिवाय नाहिद राणाला एक विकेट मिळाली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)