Photo Credit- X

Bangladesh National Cricket Team vs New Zealand National Cricket Team, ICC Champions Trophy, 2025 6th Match Live Streaming: आयसीसी चॅम्पियन्स ट्रॉफी 2025 चा सहावा सामना आज म्हणजे 24 फेब्रुवारी रोजी बांगलादेश राष्ट्रीय क्रिकेट संघ विरुद्ध न्यूझीलंड राष्ट्रीय क्रिकेट संघ (BAN vs NZ) यांच्यात खेळला जाईल. हा ग्रुप अ चा चौथा सामना आहे. दोन्ही संघांमधील हा सामना भारतीय वेळेनुसार दुपारी 2.30 वाजता रावळपिंडीच्या रावळपिंडी क्रिकेट स्टेडियमवर खेळला जाईल. चॅम्पियन्स ट्रॉफीमध्ये दोन्ही संघांचा हा दुसरा सामना असेल. या स्पर्धेत बांगलादेशचे नेतृत्व नजमुल हुसेन शांतो करत आहे. तर, न्यूझीलंडची कमान मिचेल सँटनरच्या खांद्यावर आहे.

पाकिस्तानविरुद्धच्या शानदार विजयानंतर, न्यूझीलंड संघाने त्यांच्या प्लेइंग इलेव्हनमध्ये फारसे बदल केले नाहीत. अशा परिस्थितीत या दोन्ही संघांकडून मोठ्या खेळीची अपेक्षा आहे. बांगलादेशच्या टॉप ऑर्डर फलंदाजांनी सामन्यात चांगली कामगिरी करणे महत्त्वाचे आहे. कर्णधार नझमुल हुसेन शांतो, सौम्या सरकार आणि अनुभवी मुशफिकुर रहीम यांना चांगली फलंदाजी करावी लागेल. (India Beat Pakistan In Champions Trophy 2025: भारतासमोर पाकिस्तानची शरणागती! भारतीय संघाच्या विजयाची 'ही' आहेत 3 मोठी कारणे)

पहिल्या सामन्यात यजमान पाकिस्तानला 60 धावांनी हरवून न्यूझीलंड संघाने स्पर्धेची शानदार सुरुवात केली. दुसरीकडे, बांगलादेशला टीम इंडियाविरुद्ध 6 विकेट्सने पराभव स्वीकारावा लागला. आता स्पर्धेत टिकून राहण्यासाठी दोन्ही संघांना विजय मिळवणे आवश्यक आहे. उपांत्य फेरीत पोहोचण्यासाठी दोन्ही संघांना हा सामना जिंकणे गरजेचे आहे.

हेड टू हेड रेकॉर्ड

न्यूझीलंड आणि बांगलादेश यांच्यात आतापर्यंत 45 एकदिवसीय सामने खेळले गेले आहेत. या काळात, न्यूझीलंड संघाने वरचढ कामगिरी केली आहे. न्यूझीलंड संघाने 33 सामने जिंकले आहेत. तर, बांगलादेशने फक्त 11 सामने जिंकले आहेत. त्याच वेळी, चॅम्पियन्स ट्रॉफीमध्ये न्यूझीलंड आणि बांगलादेश फक्त दोनदा आमनेसामने आले आहेत, जिथे दोन्ही संघांनी प्रत्येकी एक सामना जिंकला आहे.

बांगलादेश विरुद्ध न्यूझीलंड चॅम्पियन्स ट्रॉफी 2025 सामना कधी आणि कुठे होईल?

बांगलादेश राष्ट्रीय क्रिकेट संघ विरुद्ध न्यूझीलंड राष्ट्रीय क्रिकेट संघ, आयसीसी चॅम्पियन्स ट्रॉफी 2025 चा सहावा सामना आज रावळपिंडी क्रिकेट स्टेडियम येथे दुपारी 2.30 वाजता खेळला जाईल. दुपारी 2 वाजता कोणाचा टॉस होईल.

सामना कुठे आणि कसा लाईव्ह टेलीकास्ट आणि ऑनलाइन स्ट्रीमिंग पहाल?

भारतात होणाऱ्या आयसीसी चॅम्पियन्स ट्रॉफी 2025 चे अधिकृत प्रसारण हक्क जिओस्टार नेटवर्ककडे आहेत. चाहते स्टार स्पोर्ट्स आणि स्पोर्ट्स१८ वाहिन्यांवर विविध प्रादेशिक भाषांमध्ये भारत विरुद्ध पाकिस्तान सामन्याचे थेट प्रक्षेपण पाहू शकतात. याशिवाय, डिजिटल स्ट्रीमिंगचे अधिकार देखील JioStar नेटवर्ककडे आहेत, जिथे भारत विरुद्ध पाकिस्तान सामन्याचे थेट प्रक्षेपण JioHotstar अॅप आणि वेबसाइटवर उपलब्ध असेल.

दोन्ही संघांच्या संभाव्य प्लेइंग इलेव्हन

बांगलादेश: तन्जीद हसन, सौम्या सरकार, नजमुल हुसेन शांतो (कर्णधार), तौहीद हृदयॉय, मुशफिकुर रहीम (यष्टीरक्षक), मेहदी हसन मिराज, जाकेर अली, रिशाद हुसेन, तन्झीम हसन साकिब, तस्किन अहमद, मुस्तफिजुर रहमान.

न्यूझीलंड: डेव्हॉन कॉनवे, विल यंग, ​​केन विल्यमसन, डॅरिल मिशेल, टॉम लॅथम (यष्टीरक्षक), ग्लेन फिलिप्स, मायकेल ब्रेसवेल, मिशेल सँटनर (कर्णधार), नॅथन स्मिथ, मॅट हेन्री, विल्यम ओ'रोर्क.