Australia Women vs South Africa Women T20 Head To Head: ऑस्ट्रेलिया-दक्षिण आफ्रिका यांच्यामध्ये कोणत्या संघाची आहे चांगील कामगिरी? हेड टू हेड आकडेवारी येथे पहा
2024 च्या आयसीसी महिला टी 20 विश्वचषकाचा पहिला उपांत्य सामना आज 17 ऑक्टोबर रोजी ऑस्ट्रेलिया महिला राष्ट्रीय क्रिकेट संघ विरुद्ध दक्षिण आफ्रिका महिला राष्ट्रीय क्रिकेट संघ यांच्यात होणार आहे. उभय संघांमधला हा सामना दुबईतील दुबई आंतरराष्ट्रीय क्रिकेट स्टेडियमवर भारतीय वेळेनुसार संध्याकाळी 7.30 वाजता खेळवला जाईल.
Australia Women National Cricket Team vs South Africa Women National Cricket Team T20 Head To Head: 2024 च्या आयसीसी महिला टी 20 विश्वचषक (2024 ICC Women’s T20 World Cup) स्पर्धेतील पहिला उपांत्य सामना आज ऑस्ट्रेलिया महिला राष्ट्रीय क्रिकेट संघ विरुद्ध दक्षिण आफ्रिका (AUS vs SA)महिला राष्ट्रीय क्रिकेट संघ यांच्यात खेळला जाणार आहे. उभय संघांमधला हा सामना दुबईतील दुबई आंतरराष्ट्रीय क्रिकेट स्टेडियमवर भारतीय वेळेनुसार संध्याकाळी 7.30 वाजता खेळवला जाईल. ऑस्ट्रेलियाने टी 20 विश्वचषकात आतापर्यंत चमकदार कामगिरी केली आहे. ऑस्ट्रेलियन संघ अ गटात 4 पैकी 4 सामने जिंकून अव्वल स्थानावर होता. ऑस्ट्रेलियन संघाने या विश्वचषकात आतापर्यंत एकही सामना गमावलेला नाही. अशा स्थितीत दक्षिण आफ्रिकेला हरवून ऑस्ट्रेलियाला फायनलमध्ये प्रवेश करायचा आहे. दुसरीकडे, दक्षिण आफ्रिकेने ब गटात गुणतालिकेत दुसरे स्थान पटकावले. दक्षिण आफ्रिकेने 4 पैकी 3 सामने जिंकले आणि एकात इंग्लंडविरुद्ध पराभवाचा सामना करावा लागला. अशा स्थितीत दक्षिण आफ्रिकेच्या संघाला उपांत्य फेरीतील ऑस्ट्रेलियाविरुद्धचा सामना जिंकायचा आहे. मात्र, आफ्रिकन संघासमोर ऑस्ट्रेलियाला पराभूत करण्याचे मोठे आव्हान असेल. (हेही वाचा:IND vs NZ 1st Test Day 2 Tea Break: न्यूझीलंडने घेतली 36 धावांची आघाडी, भारताला मिळाली एक विकेट; न्यूझीलंडची धावसंख्या 82/1)
दोन्ही संघांचे हेड टू हेड रेकॉर्ड
दक्षिण आफ्रिकेविरुद्ध हेड टू हेड रेकॉर्डवर ऑस्ट्रेलियाचे वर्चस्व आहे. उभय संघांदरम्यान खेळल्या गेलेल्या 10 टी 20 आंतरराष्ट्रीय सामन्यांमध्ये ऑस्ट्रेलियाने नऊ वेळा विजय मिळवला आहे. तर दक्षिण आफ्रिकेने फक्त एकदाच विजय मिळवला आहे.
दोन्ही संघातील खेळाडू
ऑस्ट्रेलिया: बेथ मूनी (विकेटकीपर), ग्रेस हॅरिस, एलिस पेरी, ऍशले गार्डनर, फोबी लिचफील्ड, ताहलिया मॅकग्रा (कर्णधार), जॉर्जिया वेअरहॅम, ॲनाबेल सदरलँड, सोफी मोलिनक्स, मेगन शुट, डार्सी ब्राउन.
दक्षिण आफ्रिका: लॉरा वोल्वार्ड (कर्णधार), तझमिन ब्रिट्स, ॲनेके बॉश, मारिजने कॅप, सुने लुस, क्लो ट्रायॉन, नादिन डी क्लर्क, ॲनेरी डर्कसेन, सिनालो जाफ्ता (विकेटकीपर), नॉनकुलुलेको म्लाबा, अयाबोंगा खाका.
AUS vs SA (Photo Credit: @T20WorldCup)
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)