मार्क वॉ, मार्नस लाबूशेन (Photo CreditL Getty Images)

सिडनी (Sydney) क्रिकेट स्टेडियममध्ये सुरु असलेल्या न्यूझीलंड (New Zealand) विरुद्ध तिसर्‍या कसोटी सामन्यात ऑस्ट्रेलियाने (Australia) आपली पकड आणखी मजबूत केली आहे. ऑस्ट्रेलियाने त्यांचा दुसरा डाव 2 बाद272 धावांवर घोषित केला आणि किवी संघाला विजयासाठी 416 धावांचे विशाल लक्ष्य दिले. पहिल्या डावात 494 धावांच्या उत्तरात ऑस्ट्रेलियाने किवी संघाला पहिल्या डावात फक्त 251 धावांवर ऑल आऊट केले आणि दिवसाअखेर 243 धावांची आघाडी घेतली. ऑस्ट्रेलियाने प्रथम फलंदाजी करताना 454 धावा फटकावल्या. मार्नस लाबूशेन (Marnus Labuschagne) याच्या 215 आणि स्टीव्ह स्मिथ याच्या 63 धावा तसेच डेव्हिड वॉर्नर, मॅथ्यू वेड आणि कर्णधार टिम पेन यांच्या महत्त्वपूर्ण योगदानामुळे ऑस्ट्रेलियाने उत्कृष्ट कामगिरी बजावली. या सामन्यात भाष्य करताना ऑस्ट्रेलियाच्या मार्क वॉ (Mark Waugh) यांनी लाबूशेनचे कौतुक करताना असा शब्द वापरला की त्याचे सहकारी भाष्यकर्तासुद्धा स्वतः हसायला लागले, मात्र नंतर त्यांनी सर्व लोकांची माफी मागितली. (AUS vs NZ: न्यूझीलंडच्या ग्लेन फिलिप्स याने डेब्यू सामन्यात स्टिव्ह स्मिथ याच्यासारखी फलंदाजी करत जगाला केले चकित, पाहा Video)

तिसऱ्या दिवसाच्या खेळादरम्यान मार्क वॉ, केरी ओ केफी (Kerry O’Keefe) आणि इयान स्मिथ फॉक्स क्रिकेट कॉमेंट्री बॉक्समध्ये भाष्य करत होते आणि तिघेही लॅबुनेच्या फलंदाजीचे विश्लेषण करीत होते. ओ’फीफ फलंदाजाच्या असामान्य बॅकविंगविषयी चर्चा करीत होता, त्यावेळी बोलण्याच्या उत्सुकता असलेल्या मार्क वॉ यांनी एक असा शब्द उच्चारला ज्याने त्याला हसण्याचे पात्र बनविले. ऑस्ट्रेलियाच्या महान फलंदाजाने वापरलेला शब्द सी *** के असा होता, वॉच्या या शब्द ऐकून सहकारी टीकाकार हसून तो शब्द झाकण्याचा प्रयत्न करत होते. असा शब्द बोलल्यानंतर वॉ म्हणाले, "मला माहित नाही, मी चिंताग्रस्त होतो."

दरम्यान, कसोटीत लाबूशेनची प्रभावी कामगिरी 2020 मध्येही सुरू आहे. 2019 मध्ये 1100 हून अधिक धावा केल्यानंतर त्याने नवीन वर्षाची सुरुवात 19 चौकार आणि 1 षटकारासह द्विशतक झळकवून केली. यापूर्वी त्याने मागील दोन कसोटी सामन्यांमध्ये 143, 50, 63 आणि 19 धावा केल्या आहेत. पाकिस्तानविरुद्ध ऑस्ट्रेलियाच्या या तिसऱ्या क्रमांकाच्या फलंदाजाने दोन कसोटी सामन्यात 185 आणि 162 धावा फटकावल्या होत्या.