Rashid Khan's Mother Passes Away: 'तू माझं घर होतीस आई'! आईच्या निधनाने अफगाणिस्तानाचा स्टार राशिद खान भावुक

अफगाणिस्तानचा (Afghanistan) स्टार राशिद खानच्या (Rashid Khan) आईचे गुरुवारी दीर्घ आजाराने निधन झाले. इंडियन प्रीमियर लीग (Indian Premier League) मध्ये सनरायझर्स हैदराबादचे (Sunrisers Hyderabad) प्रतिनिधीत्व करणाऱ्या राशिदने काही दिवसांपूर्वी ट्विट केले होते आणि आपल्या चाहत्यांची प्रकृती ठीक नसलेल्या आईसाठी प्रार्थना करण्यास सांगितले होते. राशिद हा अफगाणिस्तान क्रिकेट संघातील सर्वात मोठा स्टार खेळाडू आहे आणि त्याने आपल्या कामगिरीच्या जोरावर आंतरराष्ट्रीय क्रिकेट आणि आयपीएल या दोन्ही क्षेत्रात स्वत: साठी नाव कमावले आहे. आईच्या निधनानंतर चाहत्यांसाठी पोस्ट शेअर राशिदने ट्विट केले. 21 वर्षीय राशिदने आईच्या निधनावर शोक व्यक्त केला आणि लिहिले की आई त्याला सोडून गेली आहे यावर विश्वास ठेवू शकत नाही. यापूर्वी 2018 मध्ये अ‍ॅडिलेड स्ट्रायकर्सकडून ऑस्ट्रेलियामधील बिग बॅश लीगमध्ये खेळताना असताना 21-वर्षीय राशिदच्या वडिलांचा मृत्यू झाला होता. (CSK साठी मोची काम करणाऱ्या भास्करनला इरफान पठाणकडून आर्थिक मदत, सोशल मीडियावर होतंय कौतुक See Tweets)

"तू माझं घर होतीस आई, आता माझं घर राहिलं नाही. तू हे जग सोडून गेलीस यावर माझा अजूनही विश्वास बसत नाही. तुझी आठवण नेहमीच सोबत राहील. भावपूर्ण श्रद्धांजली." राशिदच्या या ट्विटवर जगभरातील चाहत्यांनी श्रद्धांजली अर्पण केली. पाहा ट्विट:

अष्टपैलू कामगिरीसाठी ओळखल्या जाणाऱ्या राशिद सनरायझर्स हैदराबादकडून 2017 च्या मोसमात पदार्पण केल्यापासून आयपीएलमध्ये फलंदाजांना त्रास देत आहेत. खेळाच्या सर्वात कमी स्वरूपातील एक उत्कृष्ट फिरकीपटू म्हणून तो ओळखला जातो. 2019 वर्ल्ड कपनंतर राशिदला मर्यादित षटकांच्या स्वरूपात अफगाणिस्तान संघाचा कर्णधार म्हणून नियुक्त केले गेले. मात्र, नंतर असगर अफगाणने त्याची जागाघेतली. त्याने आंतरराष्ट्रीय कारकिर्दीत आतापर्यंत 4 कसोटी, 71 वनडे आणि 48 टी-20 सामने खेळले आहेत. दुसरीकडे, आयपीएलमध्ये राशिदने 46 सामने खेळले असून सनरायझर्स हैदराबादकडून 21.69 च्या सरासरीने आणि 6.55 च्या इकॉनॉमी रेटने 55 गडी बाद केले आहेत.