IND vs WI 2nd Test: टीम इंडियाला दुसऱ्या कसोटीत इतिहास रचण्याची सुवर्णसंधी, होणार 'हा' मोठा विक्रम
टीम इंडियाने मालिकेतील पहिला सामना एक डाव आणि 141 धावांनी जिंकून मालिकेत 1-0 अशी आघाडी घेतली आहे. टीम इंडिया दुसऱ्या कसोटी सामन्यातही मोठा विक्रम करणार आहे. त्याचबरोबर टीम इंडियाच्या नजरा मालिका क्लीन स्वीपवरही असतील.
टीम इंडिया आणि वेस्ट इंडिज (IND vs WI) यांच्यात उद्या म्हणजेच 20 जुलैपासून क्वीन्स पार्क ओव्हल स्टेडियमवर दुसरी कसोटी खेळवली जाणार आहे. टीम इंडियाने मालिकेतील पहिला सामना एक डाव आणि 141 धावांनी जिंकून मालिकेत 1-0 अशी आघाडी घेतली आहे. टीम इंडिया दुसऱ्या कसोटी सामन्यातही मोठा विक्रम करणार आहे. त्याचबरोबर टीम इंडियाच्या नजरा मालिका क्लीन स्वीपवरही असतील. युवा सलामीवीर ईशान किशन आणि यशस्वी जैस्वाल यांनी पहिल्या कसोटीत टीम इंडियासाठी आंतरराष्ट्रीय पदार्पण केले. आता दुसऱ्या सामन्यातही काही खेळाडू टीम इंडियासाठी कसोटी पदार्पण करू शकतात. दुसऱ्या सामन्यात टीम इंडियाच्या प्लेइंग इलेव्हनमध्ये काही मोठे बदल पाहायला मिळू शकतात.
टीम इंडिया करणार हा मोठा विक्रम
उद्यापासून वेस्ट इंडिजविरुद्ध सुरू होणाऱ्या दुसऱ्या आणि शेवटच्या क्रिकेट कसोटीत टीम इंडियाची नजर क्लीन स्वीपकडे असेल. दुसरीकडे, टीम इंडियाचा स्टार फलंदाज अजिंक्य रहाणे दुसऱ्या कसोटीत मोठी खेळी खेळून कारकिर्दीचा विस्तार करण्याचा प्रयत्न करेल. हा सामना दोन्ही संघांमधील 100 वी कसोटी आहे. यापूर्वी टीम इंडियाने हा आकडा केवळ ऑस्ट्रेलिया आणि इंग्लंडविरुद्धच गाठला आहे. (हे देखील वाचा: Rohit Sharma On Ishan Kishan: भारतीय कर्णधारने इशान किशनला दिले मोठे अपडेट, म्हणाला- तो आक्रमक खेळाडू आहे, त्याला थोडा वेळ द्या)
टीम इंडियाचा कर्णधार रोहित शर्माने म्हटलं आहे की, ही एक मोठी संधी असून पहिल्या सामन्याप्रमाणेच आपला संघ आपला दबदबा कायम ठेवण्याचा पूर्ण प्रयत्न करेल. वेस्ट इंडिजविरुद्धच्या कसोटी मालिकेनंतर टीम इंडियाला आता डिसेंबर-जानेवारीमध्येच थेट दक्षिण आफ्रिका दौऱ्यावर कसोटी खेळायची आहे. रवींद्र जडेजा आणि मोहम्मद सिराज यांना दुसऱ्या कसोटीत विश्रांती दिली जाऊ शकते आणि या दोघांच्या जागी अन्य खेळाडूंना संधी मिळू शकते. आता पुढील कसोटीत रोहित शर्मा कोणत्या प्लेइंग इलेव्हनसोबत मैदानात उतरतो हे पाहणे उत्सुकतेचे ठरणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)