QuickLY
Socially
28 ऑगस्टला आशिया कपमध्ये भारत आणि पाकिस्तानचा (IND vs PAK) संघ आमनेसामने येणार आहे. प्रत्येकजण या सामन्याची आतुरतेने वाट पाहत आहे. दोन्ही संघ युएईलाही (UAE) पोहोचले आहेत. भारत आणि पाकिस्तानच्या खेळाडूंनीही सराव सुरू केला आहे, ज्याचा व्हिडिओ बीसीसीआयने (BCCI) सोशल मीडियावर शेअर केला आहे. जिथे दोन्ही संघाचे खेळाडू एकमेकांना भेटताना दिसले. विशेषतः बाबर आझम (Babar Azam) आणि विराट कोहली (Virat Kohli). दोन्ही स्टार्सचे फोटोही सगळ्यांनाच आवडतात. भारत-पाकिस्तान सामन्यात सर्वांच्या नजरा पाकिस्तानचा कर्णधार बाबर आझम आणि भारताचा माजी कर्णधार विराट कोहली यांच्यावर खिळल्या आहेत.
अनेकदा दोन्ही खेळाडूंची तुलना केली जाते. कोहली सध्या वाईट टप्प्यातून जात आहे. दुसरीकडे बाबर सध्या उत्कृष्ट फॉर्ममध्ये आहे. बुधवारी दोन्ही संघांनी मैदानावर जोरदार सराव केला. सराव सत्रात कोहली आणि बाबर यांची भेट झाली. भारतीय स्टारला पाहून पाकिस्तानी कर्णधार स्वत:ला रोखू शकला नाही आणि त्याची प्रेमळ भेट घेतली. हेही वाचा Badminton World Championship 2022: BWF वर्ल्ड चॅम्पियनशिपमध्ये एचएस प्रणॉयकडून केंटो मोमोटाचा पराभव
दोन्ही खेळाडूंचा हा व्हिडिओ सोशल मीडियावर चांगलाच व्हायरल होत आहे. गेल्या वर्षी टी20 विश्वचषकात पाकिस्तानकडून झालेल्या पराभवानंतर भारतीय संघ प्रथमच आमनेसामने जात आहे. त्यावेळी भारतीय संघाची कमान विराट कोहलीच्या हाती होती. मात्र यावेळी रोहित शर्माच्या नेतृत्वाखाली टीम इंडिया पाकिस्तानविरुद्ध मैदानात उतरणार असून, मागील पराभवाचा हिशोब बरोबरी करण्यावर संघाचा प्रयत्न आहे. सराव सत्रादरम्यान दोघेही काही वेळ बोलले.
यादरम्यान भारतीय खेळाडूंनी अफगाणिस्तान संघाचीही भेट घेतली. युझवेंद्र चहल, हार्दिक पंड्या यांनी रशीद खानसह अफगाणिस्तानच्या खेळाडूंसोबत बराच वेळ घालवला. यादरम्यान व्हीव्हीएस लक्ष्मणही राहुल द्रविडची जबाबदारी सांभाळताना दिसला. वास्तविक राहुल द्रविडला कोरोनाचा फटका बसला असून तो संघासह यूएईला जाऊ शकला नाही. व्हीव्हीएस लक्ष्मण यांना अंतरिम प्रशिक्षक बनवण्यात आले आहे. कोरोनाचा अहवाल निगेटिव्ह आल्यानंतरच द्रविड संघात सामील होईल.
