US Presidential Election 2024: अमेरिकेच्या अध्यक्षपदाच्या निवडणुकीसाठी डेमोक्रॅटिक पक्षाच्या उमेदवार म्हणून औपचारिकपणे Kamala Harris यांची निवड

US Presidential Election 2024: भारतीय वंशाच्या कमला हॅरिस या अमेरिकेच्या अध्यक्षपदाच्या निवडणुकीसाठी अधिकृत डेमोक्रॅटिक उमेदवार बनल्या आहेत. X वर पोस्ट करून त्यांनी ही माहिती दिली आणि आनंदही व्यक्त केला. डेमोक्रॅटिक नॅशनल कमिटीने शुक्रवारी सांगितले की, डेमोक्रॅटिक पक्षाची उमेदवारी मिळवण्यासाठी उपराष्ट्रपती कमला हॅरिस यांनी पुरेशी प्रतिनिधी मते मिळवली आहेत, ज्यामुळे हॅरिस या प्रमुख राजकीय तिकिटावर सर्वोच्च स्थान मिळविणाऱ्या पहिल्या कृष्णवर्णीय महिला झाल्या आहेत. कमला हॅरिस यांनी X वर लिहिले आहे- 'युनायटेड स्टेट्सच्या राष्ट्राध्यक्षपदासाठी डेमोक्रॅटिक उमेदवार म्हणून मी सन्मानित आहे. मी पुढील आठवड्यात अधिकृतपणे नामांकन स्वीकारणार आहे. ही मोहीम देशभक्तीने ओतप्रोत असलेल्या लोकांनी एकत्र येऊन त्यांच्या सर्वोत्तम स्थानासाठी लढा देणारी आहे.'

जो बिडेन यांनी निवडणुकीतून माघार घेण्यापूर्वीच डोनाल्ड ट्रम्प यांच्या विरोधात कमला हॅरिस या जो बिडेन यांच्यापेक्षा अधिक पात्र आहेत की नाही, याची चर्चा जोर धरू लागली होती. यानंतर जो बिडेन यांनी अध्यक्षपदाच्या निवडणुकीतून माघार घेत कमला हॅरिस यांना उघडपणे पाठिंबा दिला. अमेरिकेचे हित लक्षात घेऊन हा निर्णय घेत असल्याचेही त्यांनी सांगितले. (हेही वाचा; Instagram Ban in Turkey: तुर्कीमध्ये इन्स्टाग्रामवर अचानक बंदी, हमास प्रमुख हनियाच्या हत्येनंतर कंपनीने ब्लॉक केला होता शोक संदेश)

पहा पोस्ट- 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)