Sri Lanka Economic Crisis: महागाईविरुद्ध श्रीलंकेमध्ये हिंसक आंदोलन; आंदोलकांनी PM Ranil Wickremesinghe यांच्या निवासस्थानाला लावली आग

श्रीलंकेतील जनता महागाईच्या विरोधात रस्त्यावर उतरली आहे. या ठिकाणी आंदोलकांचा राग शांत होण्याचे नाव घेत नाही आहे. आता देशाचे माजी पंतप्रधान रानिल विक्रमसिंघे यांच्या निवासस्थानाला तेथील लोकांनी आग लावल्याचे वृत्त आहे. जमाव पूर्णपणे हिंसक झाला आहे. भीषण महागाईचा सामना करत असलेली जनता आता श्रीलंकेतील बड्या नेत्यांना लक्ष्य करत आहे. श्रीलंकेत सध्या सुरू असलेल्या आर्थिक संकटादरम्यान देशाचे पंतप्रधान रानिल विक्रमसिंघे यांनी आपल्या पदाचा राजीनामा दिला आहे. शनिवारी आंदोलकांनी राष्ट्रपती गोटाबाया राजपक्षे यांच्या कोलंबोतील निवासस्थानी घुसून निषेध केला. आंदोलकांचा संताप पाहून काही काळासाठी त्यांनी अध्यक्षीय निवासस्थानातून पळ काढला. आंदोलकांनी खासदार रजिता सेनारत्ने यांच्या घरावर दगडफेक आणि जाळपोळ केली.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)