Train Derailed After Hitting Truck At Russia: रशियामध्ये मोठा रेल्वे अपघात, ट्रकला धडकली ट्रेन; 2 जणांचा मृत्यू, 100 हून अधिक प्रवासी जखमी

Train Derailed After Hitting Truck At Russia: दक्षिण रशियामध्ये आज मोठा रेल्वे अपघात झाला. 800 प्रवासी घेऊन जाणारी ट्रेन लेव्हल क्रॉसिंगवर एका ट्रकला धडकली. ज्यामुळे रेल्वे गाडी रुळावरून घसरली. या अपघातात किमान 140 लोक जखमी झाले तर दोन प्रवाशांचा मृत्यू झाला. मॉस्कोच्या दक्षिणेला सुमारे 1,200 किमी (750 मैल) दक्षिणेकडील व्होल्गोग्राड प्रदेशात असलेल्या कोटेलनिकोवो स्टेशनजवळ सुमारे 65 किमी (40 mph) वेगाने ट्रेनने ट्रकला धडक दिली. या अपघात सुमारे 140 लोक जखमी झाले, असे रशियन रेल्वेने सांगितले आहे. तीन मुलांसह 15 लोकांना उपचारासाठी रुग्णालयात नेण्यात आले आहे. रशियाच्या आपत्कालीन मंत्रालयाने सांगितले की, अग्निशमन आणि बचाव कर्मचारी प्रवाशांना घटनास्थळावरून बाहेर काढण्याचा प्रयत्न करत आहेत.