Ken Block Passes Away: मोटरस्पोर्ट दिग्गज केन ब्लॉक यांचे वयाच्या 55 व्या वर्षी निधन; Snowmobile चालवताना झाला अपघात

प्रो रॅली ड्रायव्हर, अॅक्शन स्पोर्ट्स लीजेंड आणि डीसी शूजचे सह-संस्थापक, केनेथ पॉल ब्लॉक किंवा केन ब्लॉक यांचे यूएसए, यूटा येथे त्यांच्या घराजवळ स्नोमोबाईल अपघातात निधन झाले आहे. ते एक रॅली चालक होते. त्यांनी स्नोबोर्डिंग, एटीव्ही ड्रायव्हिंग इत्यादी विविध विंटर स्पोर्ट्समध्ये भाग घेतला होता. यासह त्यांनी प्रसिद्ध ‘जिमखाना’ व्हिडिओ सिरीजही तयार केली होती. ब्लॉक यांची ऑडीसोबत भागीदारी होती. ते इलेक्ट्रिक ऑडी कार आणि पोर्श रेस कारसह स्टंट व्हिडिओ तयार करत असत.

यूटामधील शेरीफ ऑफिसने केन ब्लॉकच्या मृत्यूबद्दल दिलेल्या माहितीनुसार, 2 जानेवारी, 2023 रोजी, दुपारी 2:00 वाजता, Wasatch County 911 सेंटरला मिल होलो परिसरात स्नोमोबाईल अपघाताच्या माहितीबाबत एक कॉल आला होता. शोध आणि बचाव पथकाने तपासणी केली असता, 55 वर्षीय केन ब्लॉक यांचा अपघातात जखमी झाल्याने जागीच मृत्यू झाल्याचे दिसून आले. ब्लॉक हे एका ग्रुपसोबत सायकल चालवत होते पण अपघात झाला तेव्हा ते एकटेच होते.