Iraq Stampede: अरेबियन गल्फ कप फायनलपूर्वी बसरा स्टेडियमच्या बाहेर चेंगराचेंगरी; एक ठार, अनेकजण जखमी (Watch Horrific Video)

इराकमधील प्रमुख शहर बसरा येथील एका स्टेडियममध्ये फुटबॉल सामन्यादरम्यान चेंगराचेंगरी झाली आहे. या घटनेमध्ये एका व्यक्तीचा मृत्यू झाला आहे, तर शेकडो जखमी झाले आहे. वृत्तसंस्था अल्जझीराने इराकच्या अंतर्गत मंत्र्यांच्या हवाल्याने सांगितले की, गुरुवारी झालेल्या चेंगराचेंगरीत साधारण 80 जण जखमी झाले. चार दशकांनंतर देशात झालेल्या पहिल्या आंतरराष्ट्रीय सॉकर स्पर्धेच्या अंतिम सामन्यात सहभागी होण्यासाठी प्रेक्षक जमले असताना ही प्राणघातक घटना घडली.

बसरा इंटरनॅशनल स्टेडियमबाहेर जखमी झालेल्या 80 जणांपैकी काहींची प्रकृती चिंताजनक असल्याचे इराकी न्यूज एजन्सीने म्हटले आहे. आठ देशांच्या अरेबियन गल्फ कपमधील अंतिम सामना इराक आणि ओमान यांच्यात होणार आहे.