King Charles आणि Queen Camilla यांच्यावर फेकली अंडी; संशयिताला घेतले ताब्यात (Watch Video)

ब्रिटनचे नवे राजे किंग चार्ल्स आणि त्यांची पत्नी राणी कॅमिला यांच्यावर अंडी फेकल्याची घटना समोर आली आहे. या प्रकरणी बुधवारी एका व्यक्तीला ताब्यात घेण्यात आले. यॉर्कमध्ये एका पारंपारिक समारंभासाठी आलेल्या ब्रिटीश राजा आणि त्यांच्या पत्नीवर अंडी फेकण्यात आली. राजा आणि राणी हे यॉर्क, यॉर्कशायरच्या आसपास फिरत होते तेव्हा त्यांच्यावर 3 अंडी फेकली गेली, परंतु सुदैवाने अंडी फेकणाऱ्या व्यक्तीचा नेम चुकला. यावेळी गर्दीमध्ये, ‘हा देश गुलामांच्या रक्तावर उभा राहिला आहे,’ असे वाक्य ऐकू आले. त्यानंतर गणवेशधारी पोलिसांनी संशयित हल्लेखोराला ताब्यात घेतले. आपली आई, राणी एलिझाबेथ द्वितीय यांच्या निधनानंतर सप्टेंबरमध्ये सिंहासनावर बसलेले चार्ल्स सध्या उत्तर इंग्लंडच्या दोन दिवसांच्या दौऱ्यावर आहेत.