Earthquake in Pakistan: पाकिस्तानमध्ये पुन्हा भूकंप; इस्लामाबाद, रावळपिंडी आणि आसपासच्या शहरांमध्ये जाणवले जोरदार धक्के

इस्लामाबाद आणि पाकिस्तानच्या इतर शहरांमध्ये बुधवारी रात्री भूकंपाचे मध्यम धक्के जाणवले. स्थानिक मीडिया रिपोर्ट्सनुसार, पंजाबमधील रावळपिंडी, अट्टक आणि चकवाल जिल्ह्यातही भूकंपाचे धक्के जाणवले. इस्लामाबादमध्ये रात्री 9:50 च्या सुमारास भूकंपाचे अनेक धक्के जाणवले, जे 4-5 सेकंदांपर्यंत टिकले.

याआधी पाकिस्तानात सोमवारी भूकंपाचे जोरदार धक्के जाणवले होते. रिश्टर स्केलवर त्याची तीव्रता 5.8 इतकी मोजली गेली. मात्र, यात कोणतीही हानी किंवा जीवितहानी झाल्याचे वृत्त नाही. नॅशनल सिस्मिक मॉनिटरिंग सेंटर (NSMC) नुसार, भूकंपाचा केंद्रबिंदू 133 किमी खोलीवर होता. त्याचे केंद्र भारतातील जम्मू आणि काश्मीर होते. राजधानी इस्लामाबादसह इतर शहरांमध्येही भूकंपाचे धक्के जाणवले. त्यानंतर आज पुन्हा देशात भूकंपाचे धक्के जाणवले आहेत. (हेही वाचा: South Africa Wildfire Videos: सायमन टाउनमधील सर्वात मोठ्या नौदल तळाच्या जंगलात आग लागल्याने पाच जखमी)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)