UPI Now In France: परदेशात भारतीय डिजिटल पेमेंटचा डंका; फ्रान्समध्ये सुरु झाले युपीआय, बुक करू शकता Eiffel Tower ची तिकिटे

UPI Now In France: भारतामधील एक लोकप्रिय व्यवहार प्रणाली युपीआय म्हणजेच युनिफाइड पेमेंट इंटरफेसची (UPI) हळूहळू जगाला भुरळ पडत चालली आहे. याआधी भारत आणि फ्रान्समध्ये युनिफाइड पेमेंट इंटरफेस संदर्भात करार झाला होता. आता माहिती मिळत आहे की, भारतामधील लोक युपीआयच्या मदतीने फ्रान्समध्ये पेमेंट करू शकतील. फ्रान्समध्ये युनिफाइड पेमेंट्स इंटरफेस पेमेंट मेकॅनिझम सुरू करण्यासाठी इंटरनॅशनल पेमेंट्स लिमिटेडने (NIPL) फ्रांसमधील  ई-कॉमर्स आणि प्रॉक्सिमिटी पेमेंट्स सुरक्षित करणारी कंपनी Lyra सोबत हातमिळवणी केली आहे.

या उपक्रमाची सुरुवात आयफेल टॉवरपासून झाली आहे, जिथे भारतीय पर्यटक आता त्यांच्या युपीआय-समर्थित ॲप्सचा वापर करून ऑनलाइन तिकीट बुक करू शकतील. भारतीय पर्यटकांना त्यांच्या युपीआय ॲप्सचा वापर करून वेबसाइटवरील क्यूआर कोड स्कॅन करून सुरक्षित ऑनलाइन व्यवहार करू शकतात. आयफेल टॉवरला भेट देणाऱ्यांमध्ये भारत हा दुसरा सर्वात मोठा देश आहे. लवकरच ही सेवा पर्यटन आणि किरकोळ उद्योगातील इतर व्यापाऱ्यांपर्यंत विस्तारली जाईल. यामुळे भारतीय पर्यटकांना फ्रान्समध्ये राहण्यासाठी हॉटेल, संग्रहालय भेटी आणि इतर सेवा दूरस्थपणे बुक करणे अधिक सोपे होईल. (हेही वाचा: Kotak Mahindra Bank App Down: कोटक महिंद्रा बँकेचे मोबाइल बँकिंग ॲप डाउन, वापरकर्ते चिंतेत)

#India's #UPI has now gone live in France.@PragattiOberoi8 reports ⬇️https://t.co/Ld8qRLdu2n

— NDTV Profit (@NDTVProfitIndia) February 2, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 02, 2024 07:06 PM IST. For more news and updates on politics, world, sports, entertainment and lifestyle, log on to our website latestly.com).