Twitter Down: रविवारी ट्विटरचा सर्व्हर डाऊन (Twitter Down) झाला. रविवारी सायंकाळी 7 वाजता काही युजर्संनी याबाबत तक्रार केली. भारतात संध्याकाळी 7 वाजता, 1,747 लोकांनी DownDetector वेबसाइटवर Twitter संदर्भात तक्रार नोंदवली. याआधी शनिवारी गुगलची ईमेल सेवा 'जीमेल'ची सेवा काही काळासाठी प्रभावित झाली होती. यादरम्यान अनेक यूजर्सनी सर्व्हर डाऊन झाल्याची तक्रार केली होती. Gmail च्या अॅप आणि डेस्कटॉप दोन्ही वर्जनसह अनेक लोकांना समस्यांचा सामना करावा लागला.

अॅप्स आणि वेबसाइट्सच्या ऑनलाइन स्टेटसचा मागोवा घेणाऱ्या डाउनडिटेक्टर या वेबसाइटने रविवारी संध्याकाळी सातच्या सुमारास ट्विटरच्या सेवा खंडित झाल्याची माहिती दिली. मात्र, डाउनडिटेक्टरने दिलेल्या माहितीनंतर सोशल मीडिया कंपनीकडून अद्याप कोणतेही वक्तव्य आलेले नाही. यापूर्वी जुलैमध्ये मायक्रो-ब्लॉगिंग आणि सोशल नेटवर्किंग साइट ट्विटरच्या सेवा ठप्प झाल्या होत्या. अनेक युजर्सनी सोशल मीडियावर तक्रार नोंदवली होती, त्यानुसार त्यांना ट्विटर ऍक्सेस करण्यात अडचणी येत होत्या. त्यांना ट्विट करण्यात आणि ट्विट पाहण्यात समस्या येत होत्या. (हेही वाचा -Twitter Down: पुन्हा ट्विटर डाउन? ट्विटरवर प्लॅटफॉर्म आउटेज आल्याने वापरकर्त्यांकडून ट्विटर डाउन ट्रेण्ड)

फेब्रुवारीमध्ये ट्विटर दोनदा ठप्प -

फेब्रुवारी 2022 मध्येही ट्विटरच्या सेवा आठवड्यातून दोनदा ठप्प झाले होते. अनेक यूजर्सला ट्विटर वापरताना त्रास होत होता. युजर्सच्या म्हणण्यानुसार, अॅप ओपन केल्यावर त्यांना 'समथिंग वेंट रॉंग' आढळते. 'Try Reloading' असा संदेश दिसत होता.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)