UPI LITE : पेटीएम अ‍ॅपवर आता युपीआय लाइट सेवा उपलब्ध ; कमी रक्कमेच्या व्यवहार करणाऱ्यांसाठी ठरणार लाभदायी
ऑनलाईन व्यवहारासाठी वापरण्यात येणाऱ्या पेटीएम अ‍ॅपवर आता कमी रक्कमेचे व्यवहार करणे अधिक सोप्पे होणार आहे.
पेटीम पेमेंटस बँक (Paytm)द्वारा आता युपीआय लाइट (UPI LITE) सेवेचा फायदा ग्राहक घेऊ शकतात, जे नॅशनल पेमेंट कॉर्पोरेशन ऑफ इंडियाद्वारे (NPCI) कमी पैशाच्या व्यवहारांसाठी खास तयार करण्यात आले आहे. यासह पेटीएम ही पहिली कंपनी ठरली आहे ज्यांनी युपीआय लाइट सर्विसला आपल्या प्लॅटफॉमवर आणले आहे. यानंतर फोन पे (phone pe) आणि स्लाईस (slice) या कंपन्या देखील ही सेवा सुरु करु शकतात. या सेवे अंतर्गत ग्राहक कमी रक्कमेचा व्यवहार अनेक वेळा करु शकतात.