AT&T Data Breach: एटी अँड टीच्या लाखो ग्राहकांचा डेटा डार्क वेबवर लीक; माहितीमध्ये पासवर्ड, पत्ते, फोन नंबर, जन्म दिनांक यांचा समावेश

AT&T Data Breach: काही दिवसांपूर्वी AT&T कंपनीने सांगितले होते की, त्यांच्या सुमारे 7 कोटी 30 लाख ग्राहकांची वैयक्तिक माहिती लीक झाली आहे. यामध्ये ग्राहकांच्या सामाजिक सुरक्षा क्रमांकाचाही समावेश आहे. एका गुप्त ऑनलाइन ठिकाणी (डार्क वेब) ही माहिती मिळाली आहे. ही माहिती कंपनीतून लीक झाली आहे की भागीदार कंपनीकडून हे अद्याप समोर आले नाही. लीक झालेली माहिती कदाचित 2019 किंवा त्यापूर्वीची आहे. यामुळे अंदाजे 76 लाख विद्यमान आणि 654 लाख माजी ग्राहक प्रभावित झाले आहेत. लीक झालेल्या माहितीमध्ये सामाजिक सुरक्षा क्रमांकासह, पत्ते, फोन नंबर आणि जन्म दिनांक यांचाही समावेश आहे. AT&T चे म्हणणे आहे की, त्यांच्या सिस्टममध्ये बाहेरील कोणीही घुसखोरी केलेली नाही. माहिती लीक झाल्यानंतर कंपनीने लाखो ग्राहकांचे पासवर्ड बदलले आहेत. (हेही वाचा: YouTube Videos Removed: यूट्यूबने भारतात तीन महिन्यांत हटवले तब्बल 22.5 लाख व्हिडिओ, दोन कोटी चॅनल्स बॅन)