PV Sindhu Paris Olympic 2024: पीव्ही सिंधू सलग दुसरा सामना जिंकून उपांत्यपूर्व फेरीत दाखल

PV Sindhu Paris Olympic 2024: पॅरिस ऑलिम्पिक 2024 मध्ये भारताने आतापर्यंत दोन पदके जिंकली आहेत. क्रीडा महाकुंभाचा आज पाचवा दिवस आहे. आजही देशाला पदकाची आशा आहे. महिला नेमबाज मनू भाकरने भारताला दोन्ही पदके जिंकून देण्यात महत्त्वाचे योगदान दिले. भारताची दिग्गज बॅडमिंटनपटू पीव्ही सिंधूने सलग दुसरा सामना जिंकून उपांत्यपूर्व फेरीत प्रवेश केला आहे. तिने इस्टोनियाच्या क्रिस्टीन कुबाचा 21-5, 21-10 असा पराभव करत बाद फेरीत प्रवेश केला. हा सामना 34 मिनिटे चालला. सिंधूने पहिला गेम 14 मिनिटांत तर दुसरा गेम 19 मिनिटांत जिंकला. आता सिंधूसाठी पुढील वाटचाल अवघड असेल. दरम्यान, ऑलिम्पिकच्या चौथ्या दिवशी दुसरे पदक मिळाले. पाचव्या दिवशीही भारतीयांना नेमबाजीत पदकाची आशा आहे.