IPL 2022 GT vs SRH: हैदराबादने गुजरातचा विजयरथ थांबवला, 8 विकेटने विजय

हैदराबादने या सामन्यात मोसमातील आपला दुसरा विजय नोंदवला आहे. याशिवाय गुजरातचा या मोसमातील हा पहिलाच पराभव आहे. हैदराबादने हा सामना 8 विकेटने जिंकला. 163 धावांचा पाठलाग करताना हैदराबादची सुरुवात संथ झाली. अभिषेक शर्मा आणि केन विल्यमसन यांनी पहिल्या विकेटसाठी 64 धावांची भागीदारी केली.  यादरम्यान अभिषेक 42 धावा करून बाद झाला. तो बाद झाल्यानंतर केन आणि राहुल त्रिपाठी यांनी संघाची धुरा सांभाळली आणि धावसंख्या पुढे नेली. मात्र, दुखापतीमुळे त्याला मैदान सोडावे लागले. त्याचवेळी विल्यमसनही 57 धावा करून बाद झाला. तो बाद झाल्यानंतर पूरन आणि मार्करामने संघाची धावसंख्या पुढे नेली.  अखेर या दोन्ही खेळाडूंनी संघाला विजय मिळवून दिला.