विश्वचषक 2023 च्या अंतिम सामन्यात ऑस्ट्रेलियाने भारताचा 6 गडी राखून पराभव केला आणि सहाव्यांदा ट्रॉफी जिंकली. भारतीय संघाच्या पराभवानंतर चाहत्यांसह भारतीय सेलेब्सही खूप निराश दिसले. अहमदाबादच्या नरेंद्र मोदी स्टेडियमवर अंतिम सामना पाहण्यासाठी पोहोचलेल्या अभिनेत्री अनुष्का शर्मा आणि अथिया शेट्टीचा एक व्हिडिओ ऑनलाइन समोर आला आहे, ज्यामध्ये त्या दोघीही खूप निराश दिसत होत्या. विश्वचषक फायनलमध्ये भारताच्या पराभवानंतर विराट कोहली खूप निराश आणि हताश झाला होता. हे दुःख घेऊन जेव्हा तो पत्नी अनुष्का शर्माकडे पोहोचला तेव्हा तिने त्याचे सांत्वन करण्यासाठी विराटला मिठी मारली. विराट आणि अनुष्काचा हा फोटो सध्या सोशल मीडियावर व्हायरल होत आहे.

गेल्या काही दिवसांपासून अनुष्का शर्माच्या प्रेग्नेंसीच्या अफवा पसरत आहेत. अभिनेत्री आणि तिचा क्रिकेटर पती विराट कोहली वामिकानंतर दुसऱ्या अपत्याची प्रतीक्षा करत असल्याची शक्यता वर्तवली जात आहे. अशात आज विश्वचषक 2023 साठी टीम इंडिया आणि तिचा पती विराट कोहलीला पाठिंबा देण्यासाठी अनुष्का अहमदाबादमध्ये होती. (हेही वाचा: IND vs AUS, World Cup Final: पंतप्रधान मोदी आणि ऑस्ट्रेलियाच्या उपपंतप्रधानांनी पॅट कमिन्सला दिली वर्ल्ड कप ट्रॉफी, कांगारू सहाव्यांदा बनला विश्वविजेता)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)