West Indies Appoints Darren Sammy As Head Coach: वेस्ट इंडिजने नवीन प्रशिक्षकाची केली घोषणा, 'या' चॅम्पियन खेळाडूकडे सोपवली कमांड

झिम्बाब्वे येथे जूनमध्ये होणाऱ्या क्रिकेट विश्वचषक पात्रता 2023 च्या आधी वेस्ट इंडिजने (West Indies) त्यांच्या व्यवस्थापनात मोठा बदल केला आहे. त्यांनी अष्टपैलू खेळाडू आणि टी-20 विश्वचषक विजेता कर्णधार डॅरेन सॅमीला (Darren Sammy) मर्यादित षटकांच्या संघांसाठी त्यांचे नवीन प्रशिक्षक म्हणून नियुक्त केले आहे. सॅमीचा कार्यकाळ झिम्बाब्वे येथे होणाऱ्या विश्वचषक पात्रता फेरीपूर्वी यूएई विरुद्धच्या एकदिवसीय मालिकेपासून सुरू होईल. वेस्ट इंडिज क्रिकेट बोर्डानेही आंद्रे कोलेची कसोटी संघ आणि अ संघाच्या प्रशिक्षकपदी नियुक्ती केली आहे. या वर्षाच्या सुरुवातीला झिम्बाब्वे आणि दक्षिण आफ्रिका दौऱ्यावर संघाचे अंतरिम प्रशिक्षक असताना त्यांना प्रशिक्षणाचा अनुभव आहे.