IND vs NZ 2nd ODI: न्यूझीलंडविरुद्धच्या दुसऱ्या वनडेपूर्वी रायपूरमध्ये विराट कोहलीच्या जबरदस्त पेंटिंग, सोशिल मीडियावर व्हायरल
दुसऱ्या वनडेपूर्वी टीम इंडियाचा दिग्गज फलंदाज विराट कोहलीचे रायपूरमध्ये जोरदार स्वागत करण्यात आले. न्यूझीलंडविरुद्ध सुरू असलेल्या वनडे मालिकेतील दुसऱ्या सामन्यासाठी टीम इंडिया रायपूरला पोहोचली असून यादरम्यान कोहलीचे शहरात चाहत्यांनी विशेष स्वागत केले.
हैदराबादच्या राजीव गांधी आंतरराष्ट्रीय क्रिकेट स्टेडियमवर 18 जानेवारी रोजी खेळल्या गेलेल्या पहिल्या एकदिवसीय सामन्यात टीम इंडियाने न्यूझीलंडचा 12 धावांनी पराभव करून तीन सामन्यांच्या वनडे मालिकेत 1-0 अशी आघाडी घेतली आहे. दुसऱ्या वनडेपूर्वी टीम इंडियाचा दिग्गज फलंदाज विराट कोहलीचे (Virat Kohli) रायपूरमध्ये जोरदार स्वागत करण्यात आले. न्यूझीलंडविरुद्ध सुरू असलेल्या वनडे मालिकेतील दुसऱ्या सामन्यासाठी टीम इंडिया रायपूरला पोहोचली असून यादरम्यान कोहलीचे शहरात चाहत्यांनी विशेष स्वागत केले. सध्या सोशल मीडियावर व्हायरल होत असलेल्या एका चित्रात, रायपूरमधील क्रिकेट चाहत्यांनी भारताच्या माजी कर्णधाराच्या एका विशाल पेंटिंगने इंटरनेटवर तुफान कब्जा केला आहे. रायपूरमधील एका रस्त्यावर केलेल्या लक्षवेधी पेंटिंगमध्ये टीम इंडियाचा महान फलंदाज हात पसरून आनंद साजरा करताना दिसतो.