SRH vs RR, IPL 2025 2nd T20: आज आयपीएल 2025 चा दुसरा सामना सनरायझर्स हैदराबाद आणि राजस्थान रॉयल्स (SRH vs RR) यांच्यात हैदराबादच्या राजीव गांधी स्टेडियमवर खेळवला जात आहे. या सामन्यात राजस्थान रॉयल्सचे नेतृत्व रियान परागच्या हाती आहे. तर, हैदराबादसाठी पॅट कमिन्स ही भूमिका बजावतोय. गेल्या हंगामात हैदराबाद अंतिम फेरीत पोहोचला होता. पण त्यांना कोलकाता नाईट रायडर्सकडून पराभव पत्करावा लागला. यावेळीही हैदराबादचा संघ खूप मजबूत आहे. दुसरीकडे, राजस्थानला कमी लेखणेही चुकीचे ठरेल. दरम्यान राजस्थानने नाणेफेक जिंकून गोलंदाजी करण्याचा निर्णय घेतला. प्रथम फलंदाजीसाठी आलेल्या हैदराबादने राजस्थानसमोर 287 धावांचे लक्ष्य ठेवले आहे. दरम्यान, ट्रॅव्हिस हेडने 31 चेंडूत 67 धावांची शानदार खेळी केली. ज्यामध्ये त्याने 9 चौकार आणि 3 षटकार मारले. यादरम्यान, त्याने जोफ्रा आर्चरला 105 मीटर लांब षटकार मारला आणि त्या षटकात एकूण 23 धावा केल्या. तुम्ही सिक्सचा व्हिडिओ खाली पाहू शकता.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)