Team Indian चा स्टार अष्टपैलू खेळाडू Hardik Pandya दिसला सराव करताना, श्रीलंकेविरुद्ध करु शकतो टी-20 संघाचे नेतृत्व

Hardik Pandya: सध्या टीम इंडिया सध्या बांगलादेश दौऱ्यावर आहे. टीम इंडिया आणि बांगलादेश यांच्यात पहिली कसोटी चितगावमध्ये खेळली जात आहे. दरम्यान, टीम इंडियाचा स्टार अष्टपैलू खेळाडू हार्दिक पंड्या (Hardik Pandya) बांगलादेशविरुद्धच्या कसोटी मालिकेचा भाग नाही. पुढील मालिकेसाठी तो राष्ट्रीय क्रिकेट अकादमीत (NCA) जोरदार सराव करत आहे. त्याचे काही फोटो सोशल मीडियावर व्हायरल झाले आहेत. बांगलादेशविरुद्धच्या कसोटी मालिकेनंतर टीम इंडिया श्रीलंकेविरुद्ध तीन सामन्यांची टी-20 आणि एकदिवसीय मालिका खेळणार आहे. या मालिकेसाठी अद्याप संघ जाहीर झालेला नाही. मात्र श्रीलंकेविरुद्धच्या टी-20 मालिकेत हार्दिक पांड्याला कर्णधार बनवले जाऊ शकते, अशी अपेक्षा आहे. एनसीएमध्ये तो जोरदार सराव करताना दिसला.