IND vs IRE: टीम इंडिया आयर्लंडला रवाना, रिंकू सिंग, शिवम दुबे यांचा फ्लाइटमध्ये मस्ती करतानाचा फोटो व्हायरल
या दौऱ्यासाठी आयपीएल 2023 मध्ये बॅट आणि बॉलने अप्रतिम कामगिरी करणाऱ्या युवा खेळाडूंना संधी मिळाली आहे.
Team India Leaves for Ireland: भारत आणि आयर्लंड (IND vs IRE) यांच्यात 18 ऑगस्टपासून टी-20 मालिका (T20 Series) सुरु होणार आहे. पहिला सामना सकाळी साडेसात वाजता होणार आहे. या दौऱ्यासाठी भारतीय संघ 15 ऑगस्टला नवा कर्णधार जसप्रीत बुमराहसह (Jaspreet Bumrah) आयर्लंडला रवाना झाला आहे. या दौऱ्यासाठी आयपीएल 2023 मध्ये बॅट आणि बॉलने अप्रतिम कामगिरी करणाऱ्या युवा खेळाडूंना संधी मिळाली आहे. यामध्ये रिंकू सिंग, जितेश शर्मा, तिलक वर्मा, शिवम दुबे, शाहबाज अहमद आणि रवी बिश्नोई यांना स्थान देण्यात आले आहे. टीम इंडिया आयर्लंड दौऱ्यावर रवाना झाल्याचे फोटो बीसीसीआयने ट्विटरवर शेअर केली आहेत. ज्यामध्ये रिंकू सिंग फ्लाइटमध्ये झोपलेला दिसली होता. कॅमेरामन फोटो काढण्यासाठी त्याच्याकडे सरकताच तो जागा झाला. युवा खेळाडू कर्णधार जसप्रीत बुमराहसोबत मस्ती करताना दिसले.