IND vs SL T20I Series 2024: टी-20 मालिका सुरू होण्यापूर्वी श्रीलंकेचा संघ अडचणीत, आणखी एक स्टार खेळाडू दुखापतीमुळे बाहेर
श्रीलंका संघाचा वेगवान गोलंदाज नुवान तुषाराचे (Nuwan Thushara) डाव्या हाताच्या बोटाला दुखापत झाली आहे. त्यामुळे तो भारतासोबतच्या टी-20 मालिकेतून बाहेर पडला आहे.
मुंबई: भारत आणि श्रीलंका (IND vs SL) यांच्यातील 3 सामन्यांची टी-20 मालिका 27 जुलैपासून सुरू होत आहे. या मालिकेपूर्वी श्रीलंकेला आणखी एक मोठा धक्का बसला आहे. संघाचा आणखी एक स्टार खेळाडू जखमी झाला असून तो संपूर्ण टी-20 मालिकेतून बाहेर आहे. त्यानंतर आता मालिका सुरू होण्यापूर्वीच श्रीलंका संघाच्या अडचणी वाढू लागल्या आहेत. श्रीलंका संघाचा वेगवान गोलंदाज नुवान तुषाराचे (Nuwan Thushara) डाव्या हाताच्या बोटाला दुखापत झाली आहे. त्यामुळे तो भारतासोबतच्या टी-20 मालिकेतून बाहेर पडला आहे. ईएसपीएनला माहिती देताना संघ व्यवस्थापक महिंदा हलंगोडा यांनी सांगितले की, नुवानच्या डाव्या हाताला दुखापत झाली असली तरी तो गोलंदाजी करू शकत नाही. कारण दुखापत अधिक गंभीर असल्याने त्याला टी-20 मालिकेतून बाहेर ठेवले जाऊ शकते. क्षेत्ररक्षणादरम्यान नुवानच्या बोटाल दुखापत झाली आहे.