आशिया चषक सुरू होण्यापूर्वी सर्व संघ सराव सत्रात घाम गाळत असताना, चाहते त्यांच्या आवडत्या खेळाडूला भेटण्यासाठी मैदानाबाहेर थांबले आहेत. अलीकडेच, भारतीय कर्णधार रोहित शर्माचा एक व्हिडिओ समोर आला आहे ज्यामध्ये तो सराव सत्रादरम्यान काही पाकिस्तानी चाहत्यांना भेटताना दिसला आहे. दरम्यान, व्हायरल झालेल्या व्हिडिओमध्ये काही पाकिस्तानी चाहते लोखंडी जाळीच्या पलीकडे रोहित शर्माची वाट पाहत असल्याचं दिसत आहेत. रोहित त्याच्याकडे पोहोचताच चाहत्यांच्या आनंद गगणाना भिडला. यावेळी अनेक चाहत्यांनी त्याच्यासोबत सेल्फी काढले. तर, एका चाहत्यानं त्याला मिठी मारण्याची विनंती केली. रोहितनं उत्तर दिले की लोखंडी जाळीमुळं हे करणे कठीण आहे. परंतु, चाहत्यांची धडपड पाहून रोहित शर्माननं लोखंडी जाळीतूनच त्याला मिठी मारली. रोहित शर्माचा हा व्हिडिओ सोशल मीडियावर प्रचंड व्हायरल होत आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)