Rishabh Pant Knee Surgery: ऋषभ पंतच्या गुडघ्याचे ऑपरेशन मुंबईत यशस्वीरित्या पूर्ण, प्रकृती वेगाने होत आहे बरी
एनआय कडून मिळालेल्या माहितीनुसार, ऋषभ पंतच्या गुडघ्याचे ऑपरेशन यशस्वीरित्या पूर्ण झाले आहे. मात्र, त्याला वैद्यकीय पथकाच्या निरिक्षणाखाली ठेवण्यात आले असून त्याची प्रकृती वेगाने बरी होत आहे.
Rishabh Pant Knee Surgery: भारताचा यष्टीरक्षक फलंदाज ऋषभ पंत (Rishabh Pant) 30 डिसेंबर 2022 रोजी सकाळी एका भीषण रस्ता अपघाताला बळी पडला. या अपघातानंतर त्यांच्या गुडघ्याला, डोक्याला आणि पाठीला गंभीर दुखापत झाली होती. दिल्ली-डेहराडून रोडवरील सक्षम रुग्णालयात उपचारानंतर पंतला डेहराडून मॅक्समध्ये हलवण्यात आले. येथे तो 4 जानेवारी 2023 पर्यंत राहिला आणि त्यानंतर त्याला विमानाने मुंबईला नेण्यात आले जिथे शनिवारी 7 जानेवारी रोजी त्यांच्या गुडघ्याचे ऑपरेशन पूर्ण (Rishabh Pant Knee Surgery) झाल्याची माहिती समोर आली. एनआय कडून मिळालेल्या माहितीनुसार, ऋषभ पंतच्या गुडघ्याचे ऑपरेशन यशस्वीरित्या पूर्ण झाले आहे. मात्र, त्याला वैद्यकीय पथकाच्या निरिक्षणाखाली ठेवण्यात आले असून त्याची प्रकृती वेगाने बरी होत आहे. 4 जानेवारीला बीसीसीआयकडून माहिती देण्यात आली होती की पंत यांना मुंबईतील कोकिलाबेन धीरूभाई अंबानी रुग्णालयात एअरलिफ्ट करण्यात आले आहे.
Tweet