MS Dhoni: निवृत्तीबाबत एमएस धोनीने सोडले मौन; सांगितले आणखी किती काळ खेळणार आयपीएल
एमएस धोनीने त्याच्या आयपीएल निवृत्तीबद्दल मौन सोडले आहे. त्याने सांगितले आहे की, तो किती काळ आयपीएल खेळत राहील.
MS Dhoni: आयपीएल 2025 चा उत्साह अजूनही कायम आहे. आयपीएलमध्ये सर्व संघ कठोर परिश्रम करत आहेत आणि घाम गाळत आहेत. आयपीएल 2025 मध्ये एमएस धोनी चर्चेचा विषय राहिला आहे. वयाच्या 43 व्या वर्षीसुद्धा धानी सीएसकेसाठी विकेटकीपर म्हणून खेळत आहे. धोनीच्या निवृत्तीबाबत चर्चा सुरूच आहेत. तथापि, आयपीएल २०२५ दरम्यान, कॅप्टन कूलने स्वतः त्याच्या निवृत्तीबद्दलचे मौन सोडले आहे. त्याने आयपीएलमध्ये कधीपर्यंत सहभागी होणार हे सांगितले आहे.
एमएस धोनीने मौन सोडले
एमएस धोनी म्हणाला की, मी अजूनही आयपीएल खेळत आहे. मी ते खूप सोपे ठेवले आहे. मी सध्या 43 वर्षांचा आहे. हा हंगाम संपेपर्यंत जुलैमध्ये मी 44 वर्षांचा असेन. म्हणून मला आणखी एक वर्ष खेळायचे की नाही हे ठरवण्यासाठी माझ्याकडे 10 महिने आहेत. मी निर्णय घेत नाही, तर तुम्ही पुढे क्रिकेट खेळू शकता की नाही हे ठरवणारी संस्था आहे.