IPL 2022, GT vs SRH Match 40: अभिषेक शर्मा (Abhishek Sharma) आणि एडन मार्करम (Aiden Markram) यांच्या अर्धशतकी खेळीच्या बळावर सनरायझर्स हैदराबादने (Sunrisers Hyderabad) निर्धारित षटकांत 6 बाद 195 धावा केल्या आहेत. अशाप्रकारे आता गुजरात टायटन्सपुढे (Gujarat Titans) विजयासाठी 196 धावांचे लक्ष्य आहे. अभिषेकने सर्वाधिक 65 धावा केल्या तर मार्करमने 56 धावा केल्या आहेत. याशिवाय शशांक सिंहने (Shashank) डावातील अंतिम षटकांत चौकार-षटकरांची आतषबाजी करून हैदराबादला आव्हानात्मक धावसंख्येपर्यंत मजल मारू दिली. लॉकी फर्ग्युसनच्या अंतिम ओव्हरमध्ये त्याने 25 धावा चोपल्या. शशांकने 6 चेंडूत 25 धावांची नाबाद खेळी केली.  दुसरीकडे, गुजरातसाठी मोहम्मद शमीने (Mohammed Shami) सर्वाधिक तीन विकेट घेतल्या. तसेच यश दयाल आणि अल्झारी जोसेफने प्रत्येकी 1-1 विकेट घेतल्या.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)