INDvsSA 1st ODI: पहिल्या एकदिवसीय सामन्यात दक्षिण आफ्रिकेचा भारतावर 9 धावांनी विजय; मालिकेत घेतली 1-0 अशी आघाडी
प्रथम फलंदाजी करताना दक्षिण आफ्रिकेने 40 षटकांत 4 गडी गमावून 249 धावा केल्या.
भारत आणि दक्षिण आफ्रिका यांच्यातील तीन एकदिवसीय सामन्यांच्या मालिकेतील पहिला सामना लखनौमध्ये खेळला गेला. भारतीय कर्णधार शिखर धवनने नाणेफेक जिंकून प्रथम गोलंदाजी करण्याचा निर्णय घेतला. दक्षिण आफ्रिकेने भारतासमोर 250 धावांचे लक्ष्य ठेवले होते. प्रत्युत्तरात टीम इंडियाला 40 षटकांत 8 विकेट गमावत 240 धावाच करता आल्या. पावसामुळे हा सामना 40-40 षटकांचा होता. प्रथम फलंदाजी करताना दक्षिण आफ्रिकेने 40 षटकांत 4 गडी गमावून 249 धावा केल्या.