IND vs IRE: टी-20 विश्वचषक 2024 च्या (T20 World Cup 2024) आठव्या सामन्यात आज भारताचा सामना अ गटात आयर्लंडसोबत (IND vs IRE) न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर खेळवला गेला. या सामन्यात भारताने आयर्लंडचा आठ गडी राखून पराभव केला आहे. तत्तपुर्वा, भारताने नाणेफेक जिंकून गोलंदांजी करण्याचा निर्णय घेतला. प्रथम फलंदांजीसाठी आयर्लंडच्या संघांने भारतासमोर 97 धावांचे लक्ष्य ठेवले. आयर्लंडकडून डेलेनीने सर्वाधिक 26 धावा केल्या तर भारताकडून हार्दिक पांड्याने सर्वाधिक तीन विकेट घेतल्या. दरम्यान लक्ष्याचा पाठलाग करण्यासाठी आलेल्या भारतीय संघाने 12.2 षटकातच दोन विकेट गमावून सामना जिंकला. ऋषभ पंतने 13व्या षटकात बॅरी मॅकार्थीच्या चेंडूवर षटकार मारून सामना संपवला. भारताकडून कर्णधार रोहित शर्माने 52 धावा केल्या. मात्र, त्याला दुखापत झाली. त्याच्या दुखापतीचे गांभीर्य अद्याप समजू शकलेले नाही. आता भारतीय संघ अ गटात दोन गुणांसह अव्वल स्थानावर आला आहे. त्याचा पुढचा सामना कट्टर प्रतिस्पर्धी पाकिस्तानशी 9 जून रोजी होणार आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)