IND vs SL 3rd T20I Live Streaming: श्रीलंकेविरुद्ध क्लीन स्वीपकडे भारताचे लक्ष, जाणून घ्या कधी अन् कुठे पाहणार लाइव्ह स्ट्रीमिंग
तर, श्रीलंकेचा संघ पलटवार करण्याच्या इराद्याने मैदानात उतरेल.
IND vs SL 3rd T20I: श्रीलंका दौऱ्यावर असलेली टीम इंडिया मंगळवारी पल्लेकेलेमध्ये तीन सामन्यांच्या टी-20 मालिकेतील तिसरा आणि शेवटचा सामना खेळणार आहे. भारताने पहिले दोन सामने जिंकून मालिकेत 2-0 अशी अभेद्य आघाडी घेतली असून यजमान संघाचा क्लीन स्वीप करण्याकडे त्यांचे लक्ष असेल. तर, श्रीलंकेचा संघ पलटवार करण्याच्या इराद्याने मैदानात उतरेल. टी-20 विश्वचषक विजेतेपद पटकावल्यानंतर भारत नव्याने तयारी करत आहे, जिथे त्याने युवा आणि अनुभवी खेळाडूंचे नवे मिश्रण तयार करण्याचे प्रयत्न सुरू केले आहेत. तुम्ही हा सामना सोनी स्पोर्ट्स नेटवर्क चॅनलवर टीव्हीवर पाहू शकता. जर तुम्हाला या मालिकेचे सामने मोबाईलवर पहायचे असतील तर तुम्ही ते सोनी लाईव्ह ॲपवर पाहू शकता. चाहत्यांना सामना पाहण्यासाठी सोनी लाईव्हचे सदस्यत्व घ्यावे लागेल. या सर्वांशिवाय तुम्ही टीव्हीवर डीडी नॅशनलवर भारत आणि श्रीलंका यांच्यातील मालिका सामना देखील अनुभवू शकता.