Gautam Gambhir ने पदभार स्वीकारला, Team India ने नवीन मुख्य प्रशिक्षकाच्या देखरेखीखाली सराव केला सुरू; पाहा व्हिडिओ
भारतीय संघ 22 जुलैच्या रात्री कोलंबोला पोहोचला आणि कोणताही ब्रेक न घेता तयारीला सुरुवात केली.
Indian Cricket Team Training Session: भारतीय क्रिकेट संघाने (Indian Cricket Team) आपले नवे मुख्य प्रशिक्षक गौतम गंभीर (Gautam Gambhir) यांच्या देखरेखीखाली पहिले सराव सत्र सुरू केले आहे. टीम इंडिया सध्या श्रीलंकेच्या दौऱ्यावर आहे आणि तिथे पाहुण्या संघाला तीन सामन्यांची टी-20 आणि तितकीच एकदिवसीय मालिका खेळायची आहे. भारतीय संघ 22 जुलैच्या रात्री कोलंबोला पोहोचला आणि कोणताही ब्रेक न घेता तयारीला सुरुवात केली. मुख्य प्रशिक्षक म्हणून गौतम गंभीर आणि टी-20 कर्णधार म्हणून सूर्यकुमार यादव (SuryaKumar Yadav) यांची ही पहिलीच मालिका आहे. श्रीलंकेत पोहोचल्यानंतर गंभीरने प्रशिक्षकपदाची जबाबदारी स्वीकारली असून त्याच्या मार्गदर्शनाखाली टीम इंडियाच्या खेळाडूंनी पहिले प्रशिक्षण सत्र सुरू केले आहे. भारतीय क्रिकेट नियामक मंडळाने (BCCI) भारतीय संघाच्या सरावाचा व्हिडिओ शेअर केला आहे.