IND vs SL: श्रीलंकेच्या संघात घातक गोलंदाजाची एन्ट्री, असिथा फर्नांडो भारताविरुद्ध खेळणार
तो अद्याप पूर्णपणे तंदुरुस्त झालेला नाही. चमीराला दुखापत असूनही संघात स्थान मिळाले. पण सध्या तो रिकव्हरी मोडमध्ये आहे. आता फर्नांडोला त्याची जागा मिळाली आहे.
मुंबई: भारताविरुद्धच्या टी-20 मालिकेपूर्वी श्रीलंकेने संघात बदल केले आहेत. संघाचा वेगवान गोलंदाज दुष्मंथा चमीरा (Dushmantha Chameera) दुखापतीमुळे बाहेर आहे. त्याच्या अनुपस्थितीत असिथा फर्नांडोला संधी देण्यात आली आहे. श्रीलंका क्रिकेट बोर्डाने (SLC) सोशल मीडियाच्या माध्यमातून ही माहिती दिली. उजव्या हाताचा मीडिया फास्ट बॉलर फर्नांडोने (Asitha Fernando) देशांतर्गत क्रिकेटमध्ये चांगली कामगिरी केली आहे. यासोबतच त्याने श्रीलंकेसाठी 3 टी-20 सामनेही खेळले आहेत. गेल्या महिन्यात श्रीलंका प्रीमियर लीगदरम्यान चमीराला दुखापत झाली होती. तो अद्याप पूर्णपणे तंदुरुस्त झालेला नाही. चमीराला दुखापत असूनही संघात स्थान मिळाले. पण सध्या तो रिकव्हरी मोडमध्ये आहे. आता फर्नांडोला त्याची जागा मिळाली आहे. फर्नांडो भारताविरुद्धच्या टी-20 मालिकेत खेळणार आहे.
पाहा ट्विट
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)