Virender Sehwag On England Cricket Team: पर्सनल शेफसोबत इंग्लिश टीम येणार भारतात, सेहवागच्या ट्वीटने इंग्लंड संघाचा घेतला चांगला समाचार

Virender Sehwag Trolls England Cricket Team: भारताचा माजी क्रिकेटपटू वीरेंद्र सेहवागने (Virender Sehwag) इंग्लंड संघावर खरपूस समाचार घेतला आहे. भारत आणि इंग्लंड (IND vs ENG) यांच्यातील कसोटी मालिकेला 25 जानेवारीपासून सुरुवात होत आहे. याआधीच्या बातम्या समोर आल्या होत्या की इंग्लंडचा संघ स्वतःचा शेफही भारतात आणत आहे. यानंतर भारताच्या या माजी सलामीवीराने संघाची खरडपट्टी काढली आहे. शुक्रवारी 'द टेलिग्राफ' मधील एका वृत्तात म्हटले आहे की, इंग्लंड त्याच्या भारत दौऱ्यावर त्याच्यासोबत स्वतःचा शेफ देखील आणेल. यामागे खेळाडूंना आजारी पडण्यापासून वाचवण्याचे कारण देण्यात आले आहे. भारताच्या या माजी फलंदाजाने इंग्लिश संघावर ताशेरे ओढले असून आयपीएलदरम्यान त्यांना शेफची गरज भासणार नाही, असे म्हटले आहे.

ट्विटरवर ट्विट करताना सेहवागने अॅलिस्टर कुकचा उल्लेख केला, जो भारतात कसोटी मालिका जिंकणारा इंग्लंडचा शेवटचा कर्णधार होता. त्याने लिहिले की, “ही गरज कुक गेल्यानंतर निर्माण झाली, ती आयपीएलमध्ये निर्माण होणार नाही.”