IND vs ENG 3rd Test Day 3: टीम इंडिया आणि इंग्लंड यांच्यातील तिसरी कसोटी (IND vs ENG 3rd Test) राजकोटच्या निरंजन शाह स्टेडियमवर खेळवली जात आहे. चौथ्या दिवसाचा खेळ लवकरच सुरू होईल. तिसऱ्या दिवसाचा खेळ संपेपर्यंत टीम इंडियाने 51 षटकांत 2 गडी गमावून 196 धावा केल्या होत्या. शुभमन गिल 65 आणि कुलदीप यादव 3 धावा करत खेळत आहे. यशस्वी जैस्वाल 104 धावा केल्यानंतर दुखापतग्रस्त होऊन मैदानाबाहेर गेला. टीम इंडियानेही 322 धावांची मोठी आघाडी घेतली आहे. याआधी टीम इंडियाचा कर्णधार रोहितने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून प्रथम फलंदाजी करायला आलेल्या टीम इंडियाला 130.5 षटकात 445 धावा करता आल्या. भारतासाठी कर्णधार रोहित शर्माने 131 धावांची सर्वोत्तम खेळी खेळली. इंग्लंडकडून मार्क वुडने सर्वाधिक चार विकेट घेतल्या. टीम इंडिया आणि इंग्लंड यांच्यात खेळल्या जाणाऱ्या तिसऱ्या सामन्याचे थेट प्रक्षेपण स्पोर्ट्स-18 आणि कलर्स कॉम्प्लेक्स चॅनलवर उपलब्ध असेल. तुम्ही Jio Cinema ॲप आणि वेबसाइटवर पहिल्या सामन्याचे लाइव्ह स्ट्रीमिंग पाहू शकाल.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)