अबुधाबी T10 मधील पुणे डेव्हिल्स फ्रँचायझीशी संबंधित आठ जणांवर भ्रष्टाचाराचे आरोप; अष्टपैलू खेळाडू Nasir Hossain चाही समावेश

आंतरराष्ट्रीय क्रिकेट परिषदेच्या (ICC) लाचलुचपत प्रतिबंधक युनिटने (ACU) बांगलादेशचा क्रिकेटपटू नासिर हुसेनवर संयुक्त अरब अमिरातीमध्ये अबू धाबी टी-10 लीगमध्ये खेळताना भ्रष्टाचारात गुंतल्याचा आरोप केला आहे. नासिर हुसेनसह आठ जणांवर भ्रष्टाचाराचे आरोप ठेवण्यात आले आहेत. आंतरराष्ट्रीय क्रिकेट परिषदेने आठ खेळाडू, अधिकारी आणि काही भारतीय संघ मालकांवर 2021 एमिरेट्स T10 लीग दरम्यान भ्रष्ट कारवायांमध्ये सहभाग घेतल्याबद्दल विविध आरोप लावले आहेत. यामध्ये पराग संघवी आणि कृष्ण कुमार या दोन भारतीय सह-मालकांचा समावेश आहे. हे दोघेही पुणे डेव्हिल्स संघाचे सह-मालक आहेत.

आरोप असलेल्या लोकांमध्ये नसीर, कृष्ण कुमार चौधरी, पराग संघवी यांच्या व्यतिरिक्त रिझवान जावेद आणि सलिया सामन (दोन देशांतर्गत खेळाडू), तसेच अशर झैदी (फलंदाजी प्रशिक्षक), सनी धिल्लॉन (सहाय्यक प्रशिक्षक) आणि शादाब अहमद (संघ व्यवस्थापक) यांचा समावेश आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)