Brian Lara Got Emotional: ब्रिस्बेनमधील गाबा येथे खेळल्या गेलेल्या दुसऱ्या कसोटीत वेस्ट इंडिजने यजमान ऑस्ट्रेलियाचा 8 धावांनी पराभव करत इतिहास रचला आहे. दुसऱ्या डावात ऑस्ट्रेलियन संघ 207 धावांत गारद झाला. वेस्ट इंडिजने जवळपास 30 वर्षांनंतर ऑस्ट्रेलियाच्या भूमीवर पहिली कसोटी जिंकली आहे. वेस्ट इंडिजच्या या विजयाचा हिरो होता शमर जोसेफ. जोसेफने दुसऱ्या डावात एकूण 68 धावांत 7 बळी घेतले. या ऐतिहासिक विजयानंतर वेस्ट इंडिजचा संपूर्ण संघ आनंदाने नाचत होता, तर कॉमेंट्री बॉक्समध्ये बसलेला माजी अनुभवी कर्णधार ब्रायन लारा याला आपले अश्रू आवरता आले नाहीत. समालोचन करताना ब्रायन लारा भावूक झाला. त्याचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये ब्रायन लाराच्या डोळ्यातून अश्रू बाहेर येत असल्याचे स्पष्ट दिसत आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)