Jay Shah यांचा मोठा निर्णय! कर्करोगाशी लढा देत असलेल्या Anshuman Gaekwad यांना BCCI देणार एक कोटी रुपये

भारताचे माजी क्रिकेटपटू अंशुमन गायकवाड (Anshuman Gaekwad) सध्या ब्लड कॅन्सरने त्रस्त आहे. त्याच्यावर उपचार सुरू आहेत, मात्र त्यांना आर्थिक मदतीची गरज होती आणि आता बीसीसीआय त्यांच्या मदतीसाठी पुढे आले आहे. भारतीय क्रिकेट नियामक मंडळाचे सचिव जय शाह (Jay Shah) यांच्या विनंतीवरून, बीसीसीआयने (BCCI) अंशुमन गायकवाड यांच्यासाठी 1 कोटी रुपयांचा निधी त्वरित प्रभावाने जारी केला आहे. जेणेकरून त्यांना उपचारात कोणतीही अडचण येऊ नये. एवढेच नाही तर जय शहा यांनी अंशुमनच्या कुटुंबीयांची भेट घेऊन त्यांचे सांत्वन केले. 71 वर्षीय क्रिकेटरची अवस्था पाहून कपिल देव यांनी एक दिवस आधी बीसीसीआयकडे मदतीचे आवाहन केले होते आणि पेन्शन दान करण्याचा निर्णयही घेतला होता. यानंतर अनेक माजी क्रिकेटपटूंनीही या मदतीला हातभार लावला, ज्यात मोहिंदर अमरनाथ, संदीप पाटील, मदन लाल आणि कीर्ती आझाद यांची नावे आहेत. त्याचबरोबर आता बीसीसीआयनेही अंशुमनला मदतीचा हात पुढे केला असून एक कोटी रुपयांचा निधीही जारी केला आहे.