Bangladesh Beat Malaysia: मलेशियाला हरवून बांगलादेशने उपांत्य फेरी गाठली, आता भारताशी होणार सामना
आशियाई क्रीडा 2023 च्या उपांत्य फेरीत बांगलादेशचा संघ आता भारताशी भिडणार आहे. हा सामना 6 ऑक्टोबर रोजी सकाळी 6.30 वाजता सुरू होईल. भारताने उपांत्यपूर्व फेरीत नेपाळला पराभूत करून उपांत्य फेरीत प्रवेश केला आहे.
Asian Games 2023: बांगलादेशने आशियाई क्रीडा 2023 च्या पुरुष क्रिकेट स्पर्धेच्या चौथ्या उपांत्यपूर्व फेरीत रोमहर्षक विजय नोंदवला. बांगलादेश संघाने मलेशियाचा 2 धावांनी पराभव केला. या विजयासह बांगलादेश संघाने उपांत्य फेरी गाठली आहे. आता सेमीफायनलमध्ये बांगलादेशचा सामना भारताशी होणार आहे. आशियाई क्रीडा 2023 च्या उपांत्य फेरीत बांगलादेशचा संघ आता भारताशी भिडणार आहे. हा सामना 6 ऑक्टोबर रोजी सकाळी 6.30 वाजता सुरू होईल. भारताने उपांत्यपूर्व फेरीत नेपाळला पराभूत करून उपांत्य फेरीत प्रवेश केला आहे. दुसऱ्या उपांत्य फेरीच्या सामन्यात पाकिस्तान आणि अफगाणिस्तान आमनेसामने आहेत. म्हणजेच भारत आणि पाकिस्तानने आपापले सामने जिंकले तर विश्वचषकाप्रमाणेच आशियाई क्रीडा स्पर्धेतही भारत आणि पाकिस्तान यांच्यात सामना होणार आहे.