Babar Azam Resign From PAK Captaincy: विश्वचषकातील निराशाजनक कामगिरीमुळे बाबर आझमचा मोठा निर्णय, सर्व फॉरमॅटमधून कर्णधारपद सोडण्याचा घेतला निर्णय

विश्वचषक 2023 मधील संघाच्या खराब कामगिरीनंतर पाकिस्तानचा कर्णधार बाबर आझमने (Babar Azam) आता मोठे पाऊल उचलले आहे. बाबर आझम संघाच्या कर्णधारपदावरून पायउतार होणार की पाकिस्तान क्रिकेट बोर्ड काही मोठा निर्णय घेईल, अशी अटकळ सातत्याने लावली जात होती. आता बुधवारी, 15 नोव्हेंबर रोजी, पाकिस्तानी क्रिकेटपटूने ट्विटरवर एक पत्र जारी केले आणि सर्व फॉरमॅटमध्ये कर्णधारपद सोडण्याचा निर्णय जाहीर केला. त्याने आपल्या कर्णधारपदाच्या काळात संघाला नंबर 1 वनडे संघ बनवल्याचाही उल्लेख केला. बाबर आझमने आपल्या X हँडलवर पोस्ट करताना पत्र शेअर केले आणि त्यात लिहिले, 'मला आठवते जेव्हा मला 2019 मध्ये पाकिस्तान क्रिकेट संघाचे कर्णधारपद देण्यात आले होते. या चार वर्षांत अनेक चढ-उतार आले. मात्र, क्रिकेट जगतात पाकिस्तानच्या सन्मानाला कधीही धक्का पोहोचू नये, हे एकच ध्येय माझ्या मनात होते. व्हाईट बॉल फॉरमॅट (ODI) मध्ये नंबर वन टीम बनणे हे सर्व प्रशिक्षक, खेळाडू आणि टीम स्टाफच्या मेहनतीचे फळ होते. मी सर्व चाहत्यांना पाठिंबा दिल्याबद्दल त्यांचे आभार मानतो.' (हे देखील वाचा: Sachin React To Virat Kohli 50th Century: विराटच्या 50व्या शतकावर सचिनची प्रतिक्रिया, विक्रम मोडल्याबद्दल 15 वर्ष जुनी गोष्ट सांगितली)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)