यशस्वी शस्त्रक्रियेनंतर Rishabh Pant ने मानले आपला जीव वाचवणाऱ्या दोन वीरांचे आभार; व्यक्त केली कृतज्ञता (See Tweet)

रस्ता अपघातानंतर भारतीय क्रिकेटपटू ऋषभ पंतच्या पायावर शस्त्रक्रिया करण्यात आली आहे. आता आपली शस्त्रक्रिया यशस्वी झाल्याची माहिती त्याने सोशल मीडियावर दिली आहे. अपघातानंतर आज पहिल्यांदा ऋषभ पंतने सोशल मिडियावर पोस्ट केली. पंत याने रस्ता अपघातानंतर मदत करणाऱ्या सर्वांचे आभार मानले आहेत. यासह अपघातानंतर ज्या दोन तरुणांनी त्याला मदत केली होती त्यांच्यासाठी एक खास पोस्ट ऋषभने लिहिली आहे. पंतने या तरुणांचा फोटो शेअर करत कृतज्ञता व्यक्त केली आहे.

एका ट्विटमध्ये ऋषभ पंतने रजत कुमार आणि निशू कुमार या दोघांचेही आभार मानले. याच दोघांनी अपघातानंतर ऋषभला रुग्णालयात नेले होते. पंतने लिहिले, ‘मी प्रत्येकाचे वैयक्तिकरित्या आभार मानू शकत नाही, परंतु मला या दोन वीरांचे आभार मानले पाहिजेत ज्यांनी अपघाताच्या वेळी मला मदत केली व त्यांच्यामुळेच मी सुरक्षितपणे रुग्णालयात पोहोचलो. रजत कुमार आणि निशू कुमार धन्यवाद, मी तुमचा सदैव ऋणी राहीन.’

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)